Txorimalo Gaztetxea

OKUPAZIO EGUNA

2012-01-30T04:45:00.000-08:00

Eguraldiak lagundu ez duen arren, ehunka pertsona batu dira okupazioaren aldeko manifestazio nazionalean “Gure ametsak dirauen bitartean zuenak egin du” lemapean. Jai giroa nagusitu da martxa osoan zehar eta azken aldian gaztexeek jasandako erasoak gogora ekarri dituzte.

Ehunka lagunek parte hartu dute okupazioaren aldeko manifestazio nazionalean. Martxa horren bidez argi utzi nahi izan dute “pertsona ezberdinen borondateari eta lanari esker, gizarte kutsatu honi bizitza ematen” diola okupazioak eta era horretan, “bizi eredu ezberdin bat eraikitzeko lanean” diardutela.

17:45etan eman diote hasiera okupazioaren aldeko manifestazio nazionalari. Martxa Arriagako plazatik atera da “Gure ametsak dirauen bitartean zuenak egin du” lemapean eta Bad Sound Sistem eta 121 Krew taldeko kideek kamioi batean egin dute ibilbidea jai giroa sortuz.

Manifestazioa Arriagatik Udaletxera joan da eta Areatzako kaian geldialdi bat egin ondoren, Unamunoko plazan eman diote bukaera. Areatzan okupazio mugimenduko hainbat kidek hartu dute hitza eta txalo hartean, babesa eman diete Kukutzako eta Zallako Gaztetxeen izenean hitz egin duten lagunei. Bi hauek “instituzioen aldetik pairatutako erasoak” salatu dituzte, baina argi utzi dute “okupazioaren bidez bizi eredu ezberdin bat eraikitzen” jarraituko dutela.

OKUPAZIO EGUNA URTARRILAK 28

2012-01-24T05:48:00.001-08:00

11:00- Okupazio topaketak
13:00- EHko Gaztetxe eta Gazte Asanbladen arteko olinpiadak
15:00- Bazkaria
17:00- MANIFESTAZIOA Arriagatik "Gure ametsak dirauen bitartean zuenak egin du!"
19:00etatik aurrera: ALDE ZAHARRA OKUPATUZ!
Kale animazioa, bertsolariak, DJ-ak...
22:00- Kontzertua
ITZIARREN SEMEAK

EPAIKETARIK EZ !! EZ ZALLAN EZ INON

2012-01-24T05:45:00.000-08:00

Zallako Gazte Asanbladak, 2007ko abenduan etxe huts bati bizitza eman zion eta honen ondorioz, epaiketa baten aurrean dago, non hiru gazteren aurkako salaketa faltsuak egiten diren. Gainera, jabeen eskakizuna ekonomikoa besterik ez da eta dirutza handia nahi dute. Zein da benetako interesa? Lau urte luze pasa dira eta kontuan izanda prozesu honek herrian duen eragina, behingoz ezagutzen dugu epaiketaren data, Barakaldon, otsailaren 3an izango dela, beraz zuen elkartasuna eskatzen dugu hurrengo hilabetearen buruan beteko diren ekintzetan.

Hau dela eta Z.G.A.k ekintza mordo batekin erantzun dio salaketari, hala nola hainbat arazo sozialen aurrean lan egiten zein beste kontu askotan ere, memoria pixka bat baino ez da egin behar. Aitzitik, kritika ugari jasotzen jarraitzen dugu, guk betidanik nahi izan dugun bakarra herri bat izan denean, herri bat non kultura eta aisialdia gazteek kudeatu dezakegun, gure ikuspuntu ekonomiko, politiko eta sozial kritikoarekin guztion onurako dena eraikitzeko aukera izan dezagun.

Beste alde batetik, Z.G.A.k bere ekintzak gauzatu ahal izateko lokal bat eskatu zuen ,baina aurreko udal botereak ez zigun kasurik egin eta ahal zituen traba guztiak ezarri zizkigun, horrela sortu zen gaztetxea egoera honetan denbora asko egon ondoren. Jabearen baimena geneukalakoan, udal gobernu berriari bere posizionamendua eskatzen diogu prozesu honetan eta inputatuekiko elkartasuna euren inguruan esaten diren gezurrengatik. Gainera gazteok autogestionatzeko behar ditugun espazioen kontua aztertu behar dute, honelako arazo gehiago ez egoteko herrian.

Hau guztia esanda, herriko elkarte eta taldeen laguntza eskatzen dugu eta bereziki Zallako herriari, gure herriari, auzokideen elkartasuna eskatuz eta otsailaren 2an, arratsaldeko 20h egingo den manifestaziorako gonbidapena luzatuz, gainerako ekintzak ahaztu barik.

Erandioko gazteen aurkako auzia artxibatu dute

2012-01-24T05:35:00.000-08:00

Pasa den urriaren 23an, Erandioko Kalezulo gaztetxea aurkeztu zuten Altzagako Jose Luis Goioaga kaleko 11. zenbakiko Faro enpresa ohian. Hurrengo egunean, dozena bat udaltzainek epaile agindurik gabe gaztetxeko atea bortxatu, sartu eta barruko materiala bahitu zuten. Zentro soziala itxi bitartean, kanpoan hiru gazte identifikatu zituzten, gerora epaitegian salatu zituztenak. 48 orduren bueltan, gazteek Kalezulo zabaldu zuten berriro. Herenegun, Kalezulon egindako auzolanetan Erandioko Gazte Asanbladako kideek jakinarazi zutenez, berriki gazteen aurkako auzia artxibatu du epaileak. Ostiralean bertan, udaltzainek urrian bahitutako materiala bueltatu behar izan zuten, jujeak hala aginduta. Gaztetxea atontzeko lanei dagokienez, neska-mutilek hainbat tona zerrauts zuen gordetegi bat hustu zuten. Orain, zerrautsa berrerabili dezakeen norbaiten bila badabiltza. Otsailaren 17an ospatuko duten Inauterietako jairako lokala txukunduta espero dute

Aitor Elortza gogoan, bere heriotzaren 6. urteurrenean

2012-01-16T06:06:00.000-08:00

Aitor Elortza Unanueiheslari politiko algortarra erbestealdi luze baten ondorioz hil zen Baionan 2006ko urtarrilaren 16an, orain sei urte.

Aitor gaztetik sartu zen Euskal Herria libre eta justu baten aldeko herri borrokan. Bide horretan Komando Autonomo Antikapitalistetako kidea izan zen. 1979an, 19 urte zituenean, poliziaren jazarpenetik ihesi Ipar Euskal Herrira joan zen. Bertan ere militantzia, poliziaren jazarpena, atxiloketak eta ezegonkortasuna izango zituen bere bizitzaren ildoan. Mexikon izan zen aldi batez, gero handik bueltatu eta kartzelan berriro… azkenik, gaixorik, hilik aurkitu zuten bere etxean 2006ko urtarrilaren 16an.

Aitor, gogoan zaitugu.

GATAZKA GUNEA

2012-01-16T06:02:00.000-08:00

En 2006 Gatazka Gunea http://www.ddtgatazka.com/ iniciaba su andadura. En enero de 2012 hemos decidido concluirla empujados por distintas circunstancias. Gatazka surgió como un intento de dar continuidad a la actividad que Likiniano había mantenido hasta entonces en la calle Ronda. Obviamente, el colectivo nació de un modo un tanto urgente y las bases sobre las que se asentó no eran muchas; mantener el espacio abierto con una actividad similar a la anterior y seguir, igualmente, con las tareas de edición que habían caracterizado a Likiniano. Otra de las motivaciones principales que hizo que distintas personas confluyesen en torno a esta inicitiva era crear un colectivo de base antiautoritaria que superase uno de los aspectos que Likiniano más había autocriticado en su disolución; la necesidad de tener una presencia en la calle.
Poco después de comenzar su andadura, la vertiente colectiva y más netamente política del proyecto se derrumbó. Bien porque así se quiso o bien porque desde el colectivo se permitió, los quehaceres diarios de mantenimiento del local fueron usurpando el espacio que debía haber ocupado el debate político. En poco tiempo, las personas que se sintieron atraídas por el proyecto inicial fueron desapareciendo, dado que, al margen de los liberados y algún voluntario que ayudaba en las cuestiones cotidianas, quienes deseaban militar no gozaban de demasiado margen para desempeñar una tarea política. En general, de hecho, estas personas acabaron siendo parte de la oposición al TAV y abandonaron Gatazka. En un tiempo record, el colectivo había reproducido los peores males likinianikos. Esto, la ausencia de un tejido político más allá de la escasa plantilla de asalariados, es una de las razones que explican que bajemos la persiana del local.
A ello ha ayudado en gran medida también la debacle de la llamada distribución alternativa. La desaparición de colectivos que se dediquen a la distribución y difusión de materiales políticos es un hecho. No es que la producción de discos o libros se haya extinguido, pero sí las iniciativas populares que se dedican a su distribución. Por otra parte, muchos de los principios de la distribución alternativa merecen ser revisados. Esto ha desembocado en que DDT Banaketak, antaño pulmón del local, se quede sin resuello (aunque con ganas de seguir).
Aunque sin duda, la cuestión decisiva para dar por cerrada esta experiencia, es la económica. Cuando tomamos el testigo de Likiniano, ya sabíamos que la situación económica no era la más prometedora, aunque distaba mucho de ser ruinosa. En cualquier caso, Likiniano había percibido una tendencia a la baja en sus facturaciones y, además, el ámbito cultural estaba siendo objeto de cambios cruciales. Si Likiniano, en sus momentos de mayor esplendor financiero, había funcionado gracias, sobre todo, a la venta de música, en Gatazka hemos vivido a la sombra de las descargas musicales gratuitas. La música ha ocupado un espacio significativo, por supuesto, pero menor en comparación con el que han tenido los textos. De hecho, una de las cosas de las que nos podemos enorgullecer es de haber dispuesto de un fondo bastante meritorio de libros en la medida de nuestras posibilidades.
Además, está la cuestión económica global. El ciclo de "bonanza financiera" ha muerto y eso se percibe en todos los ámbitos.
Si a esta escasez económica se le añade que el libro (político o no) va camino de transformarse en un bien de lujo -cada vez son menos los títulos que tienen un precio inferior a los 20 euros- el resquicio que le queda a una librería es minúsculo, pues aunque muchas personas deseen adquirir libros, sencillamente no se lo pueden permitir. La afluencia de personas en el último medio año ha descendido notablemente debido a esta cruda y sencilla realidad. Hasta el punto de que en los últimos meses de 2011 se acumulaban varios sueldos sin cobrar. Un hecho que no hubiera sido decisivo de no ser porque, aún así, la situación no ha mejorado sensiblemente.
Teniendo en cuenta que desde el principio contamos con menos recursos que Likiniano -las ferias se hacían con voluntarios y no con liberados, había menos asalariados en el local, teníamos que medir cada inversión, por lo que tan solo podíamos hacer una ronda de pedidos al mes, en seis años no nos hemos subido un salario mensual que apenas sobrepasa el SMI porque no nos parecía factible...-, esta última puntilla de precariedad ha sido un toque de atención como para que nos pensáramos la continuidad del proyecto. Finalmente, siendo conscientes de que las perspectivas para 2012 no son nada halagüeñas, en los dos últimos meses hemos debatido acerca de la conveniencia de dar por finalizada esta experiencia. Sobre todo antes de que generemos deudas que repercutan en la salud económica de editoriales populares y críticas que han confiado en nosotros y hacia las que nos sentimos responsables. Por eso aprovechamos el espejismo de la campaña navideña para pagar nuestras deudas y procurarnos un adiós lo más digno posible.
Es probable que más de una persona opine que se trata de una decisión precipitada y que el proyecto podía haber buscado un relevo o una revitalización. Sin embargo, y sin negar que quizá acusemos un cierto desgaste, hemos reflexionado en profundidad la cuestión y no nos parecía honesto implicar a nadie externo a Likiniano o Gatazka en estos últimos estertores por varias razones. La primera es que la crisis de Gatazka no es únicamente económica, sino también estructural; el modelo mediante el que hemos funcionado no es operativo en estos momentos, o no al menos en la proporción que debiera. Por lo tanto, los esfuerzos que se pudieran invertir no iban a estar encaminados en la dirección apropiada. Por otra parte, cuando Gatazka ha sido en cierta medida un proyecto de autoempleo, se nos antojaba un tanto desvergonzado abrirlo únicamente para pedir ayuda.
Otra cosa es si hay sitio en Bilbo para una librería alternativa. A esta interrogante, nosotros respondemos que sí, pero desde luego bajo otros parámetros nuevos, más asociativos, sin el lastre que arrastra el modelo Gatazka. Desde luego, a nosotros nos gustaría que así fuese, ya que nos supone un gran pesar cerrar las puertas del local, no solo por su referencialidad y presencia física, sino sobre todo por las relaciones, los flujos de información y la variada actividad política que le daban sentido. A todas las personas y colectivos que han hecho tanto lo uno como lo otro posible, nuestros más sinceros agradecimientos y hasta pronto.

7KATU GAZTETXEAREN 5.URTEURRENA

2012-01-13T14:23:00.000-08:00

Urtero lez, urtarrilaren 13an, 7Katu gaztetxeak 5 urte bete ditu! Bai, bai, 5 urte! Pairatutako eraso guztien ostean (4 desalojo 5 okupazio) hemen jarraitzen dugu bizirik, sentituz, pentsatuz eta okupatuz!
Inoiz baino esfortzu handiagoa egiten ari gara aurten urteurrenarekin. Kukutza III-ko gertakarien ostean, okupazio mugimenduak hartu duen gorakadaren erdigunean kokatzen gara gaur egun. Esan dezakegu, gutxinaka gutxinaka, Kukutzaren lekukoa hartzea tokatu zaigula. Bilboko eta auzoko herri mugimenduak gune aske eta autogestionatuak behar ditu eskeintzen diguten eredu pribatu eta kapitalistaren aurrean, eta hor gaude gu, Bilboren erdialdean, Alde Zaharrean taupadaka jarraitzen dugu, zuri beltza kolorezatuz.
Oraingo honetan, kriston kultur eskaintza antolatu dugu urtarrilaren 13 (urtebetetze eguna) eta ondorengo 26-27-28-29 egunetan. Bizi eredu honetan sinisten ez dugun jendea gara, era bolondrez batean amesten gauden gazteak, elkarlanean eta elkartasunez, bakoitzak daukana emanez lanean gabiltzan gazteak. Ondokoari lagunduz, guztion ekarpenarekin, bizitzeko beste era bat eraikiko dugu, herri bat eraikiko dugu!
Ez da ospakizun sinple bat, askoz gehiago da. Kukutzaren desalojotik 4 hilabetera milaka gazte batuko ditugu berriro ere Bilbon, gaztetxeen beharra aldarrikatuz, bizirik gaudela esanez eta lan egiteko eta okupatzeko inoiz baino indar gehiago daukagularen bozgoragailu bihurtu nahi dugu urteurren hau.

Egitaraua:
Urtarrilak 26, osteguna
18:00etan, KUKUTZA ” Ellos por dinero, nosotras por placer”.
20:30etan, Sarrionaindiaren Kartzelako poemak: Gotzon Barandiaran, Mikel Etxaburu, Lutxo Egia, Sonia Gonzalez eta Katamaloko musikarietako batzuk.
22:00etan, ESNE BELTZA SOUND SYSTEM.
Urtarrilak 27 , ostirala
18:00etan, “La casa de los gatos” (Katalunya-ko etxe okupatuaren desalojoa)
19:00etan, HIPHOPOTEOSOUNDSYSTEM.
21:00etan, Indarrap, Emauseko raperoak eta Norte Apache.
Urtarrilak 28, larunbata: Okupazio eguna Bilboko Okupazio Mugimenduaren eskutik
11:00etan, okupazio topaketak.
13:00etan, Euskal Herriko gaztetxe eta gazte asanbladen arteko olinpiadak.
15:00etan, bazkaria.
17:00etan, MANIFESTAZIO nazionala Arriagatik “Gure ametsak dirauen bitartean zuenak egin du!” lemapean.
19:00etatik aurrera Alde Zaharra okupatuz! (Kale animazioa, bertsolariak, djak…)
22:00etan, ITZIARREN SEMEAK
Urtarrilak 29, igandea
13:00etan, bertso saioa Santiago plazan: Andoni Egaña, Sustrai Colina, Oihana Bartra eta Jon Maia.
15:00etan, auzo bazkaria
18:00etan, kantautore sorpresa

JON ROSALES ASKE GERATUKO DA

2012-01-12T04:57:00.000-08:00

Jon Rosales preso gazte algortarra kalera irtengo da 10.000 euroko fidantza ordaindu ondoren, Uribe Kostako Amnistiaren Aldeko Mugimenduak Etengabe bitakoran jakinarazi duenez. Oraintxe bertan ez dakigu gaur bertan kalera daitekeen, baina ziurrenik bihar kaleratuko da.

Jon Rosales Katalunian atxilotu zuten 2010eko otsailean. Hasiera batean Soto del Realen espetxeratu zuten, eta gerora, hilabete batera Alcala Mecora eraman zuten. Bertan egon da gaur arte, eta bertatik irtengo da kalera.

Jon basatiki torturatu egin zuten, salaketa jarri zuten, abokatuek ere jasandako torturak ikaragarriak zirela adierazi zuten, Madrileko epaitegian ere berretsi egin zuen tortura salaketa… baina orain arte tribunalek ez dute ezer egin tortura kasu honetan.

OKUPAZIOA EZ DA DELITUA !!! KUKUTZA AURRERA !!!

2012-01-10T12:36:00.000-08:00

Aste honetan hasiko zaizkigu Kukutza proiektuaren kontrako epaiketak, eta hilabete osoan zehar garatuko dira 2 prozesu ezberdin. Urtarrilaren 11, 12 eta 13an, Kukutza II okupatu zutenen kontrako epaiketa burutuko da eta hurrengo asteetan Kukutza III-ko hustutzean etxebizitzan erresistitzen zeuden kideen kontrakoa.

Kukutza II-ko autoak dioen arabera, ez zaizkie usurpazio deliturik leporatzen, jabegoaren kontrako kalteak baizik. Larraskitu kaleko 27. zenbakian sartu zen kide taldearen helburua, hura 13 urtetan hutsik egon dela aalatzea zen, 1998. urtean, Kukutzako kideak handik bota zituztenetik, hain zuzen ere.

13 urte hauetan, eraikin horrek sua hartu du, etxegabekoentzako aterpea izan da, eta auzokideentzako arriskua izan da. Orain, eraikina okupatu zutenei 9.000 euroko eskaera egiten die jabeak, atea, horma eta leihoak apurtu izanagatik, argi ikusten denean, ertzainek direla atea apurtu eta horma botatzen dutenak.

Eskaera hauekin, argi geratzen da egun horretan ertzainek buruturiko operazioak ez zuela usurpazio delitu bat gelditzeko helburua, gaztetxe saiakera bat galaraztea baizik.

Okupazioa ez da delitua!

AZKEN OSTIRALA

2011-12-28T03:50:00.001-08:00

Euskal Herriko futbolari gizonezkoek kaleratutako agiria

2011-12-27T12:54:00.000-08:00

Euskal Selekzio ofizialaren alde

Euskal futbolariok berriz ere hitzok idaztera eseri behar izan dugu, kezkaturik, haserre puntu batez, triste, iaz gure jokatzeko prestutasuna itzuli geniolako federazioari, eta trukean, ez dugulako aurrerako bide handirik ikusi. Abenduaren 28a badator, eta talde berri bat etorriko da bere kolorez jantzirik, baina guk munduan lehiatu ezinean segitzen dugu, ezin dugu txapelketa ofizialetan izerdirik atera, Euskal Herria ez da futbol zelaietan inor, eta gainera ez dirudi horrek Euskadiko federazioa benetan arduratzen duenik.

Lehen ere ez ginen akordio batera iritsi, ofizialtasun egiazkoaren bidean borondate seinale bat ikusi nahi genuen federazioaren partetik, ez genuen sumatu, hala ere jokatzera atera ginen, ez genuelako blokeo egoera hori betikotu nahi. Ez gara damutu, Euskal Herriak badu aldarri horren eszenifikazioaren beharra, selekzioaren amets horrek gure zelaiak beterik ikusteko beharra, biltzeko premia badugu, bildu eta elkarri sinesmena kutsatu, munduari ere gure gogoaren berri emanez oihu egin. Zoritxarrez oraingoz gehiagorako ez, baina horretarako balio du partiduak, eta berriz ere aterako gara jokatzera, aurten, abenduaren 28an.

Gure arrazoiak ez dira berriak. Guk, berdegunean, gutako bakoitzak sentitzen duen kolorearen alde busti nahi dugu, gure nortasunaren arabera jokatu, garen hori izan, eskubiderik oinarrizkoena, horixe behar luke futbol selekzio batek, ezer izatekotan. Selekzioa, hitzak berak esaten du, hautaketa bat da, edo hautaketa baten emaitza. Baina gu hauturik gabe utzitako jokalariak gara. Eraman egiten gaituzte, ezinbestez, bestelako koloreen alde egitera, Espainia aldera, edo Frantzia aldera, ezin dugu sentitzen dugun hori defenditu, aukerarik ez zaigu ematen, eta aukerarik gabe ez dago hautatzerik, eta hautatzerik ez bada zer esan nahi du selekzio hitzak? Guretzat, behintzat, ez du zentzu handirik.

Badakigu ez dela erreza, futbol zelaietatik kanpo irabazi beharreko partidua da, bide horiek bihurriak dira oso, baina saiatzea nahiko genuke, saiatu gabe ezinezkoa izango da. Eta guk sinesten dugu ez dela ezinezkoa euskal selekzio ofiziala lortzea. Agian, zaila izanagatik, inoiz baino errazagoa da, Euskal Herrian bakea lantzen ari da, eta bake horrek ate asko zabaldu ditzake nazio arteko organo ezberdinetan, gure ahotsa inoiz baino garbiago entzungo da. Balia dezagun aukera hau, ikararik gabe, euskal selekzioaren alde bidea urratzeko, bide horrek gure futbolariak, eta gure futbolzaleak, zoriontsu egingo lituzke, horixe ari gara, aspalditik, eskatzen.

Euskal Herriko futbolari mutilak

MANIFESTAZIOA NAZIONALA URTARRILAK 28

2011-12-26T05:45:00.001-08:00

LAPURRETA ITZUBALTZETAN

2011-12-26T05:42:00.001-08:00

Itzubaltzeta / Romoko gaztetxean lapurreta burutu dute hainbat ezezagunek. Bertako gazte asanbladak jakinarazi duenez, pasa den igande eta astelehen arteko gauean gertatu zen ebasketa. Lapurrek zentro sozialeko barraren dirua, 400 bat euro, zenbait kirol-jertse eta materiala, herriko jai batzordearen metxeroak eta sosak, presoen senideak laguntzeko lapikoa eta gaztetxeko erabiltzaile baten ordenagailua eraman zituzten. Dirudienez gaizkileak teilatutik sartzen saiatu ziren baina ez zuten lortu. Ondoren, bigarren solairuan zama-lanak egiteko erabiltzen den leihoa ireki, bertan dagoen hesia bortxatu eta hortik barneratu ziren. Itzubaltzetako Gazte Asanbladak irmoki salatu du izandako erasoa, eta gogoratu du eramandako ia guztia herritarren mesederako baliabideak zirela

NAZIO BAT , SELEKZIO BAT !

2011-12-22T04:45:00.001-08:00

Abenduaren 28an Bilboko AREATZAGAn ( Arenaldean ) egun osoko aldarrikapen jaia. Haurrentzat jokoak, ekitaldi publikoa, helduentzat kontzertuak, txoznak, ( bokatak, edaria) eta ofizialtasunaren aldeko manifa. Aste honetan aurkezpena egingo da eta zehaztapen guztiak emango dira. Dena doan. Adi egon. "Indarrak BILDUZ, OFIZIALTASUNA"

EUSKAL PRESOAK ETXERA !!!

2011-12-20T04:59:00.000-08:00

TXORIMALO GAZTETXEA LANEAN

2011-12-12T05:14:00.000-08:00

ABENDU ANTIKONTSUMISTA

2011-12-09T05:53:00.000-08:00

URTARRILAK 7

2011-11-30T05:46:00.001-08:00

2. OKUPAZIO EGUNA

2011-11-19T11:57:00.000-08:00

2.OKUPAZIO EGUNA !

2011-11-18T07:00:00.000-08:00

AZAROAK 26
10:00 telletxe enparantzatik hasita gaztetxe ibilbide animatua
-Sastraga
-Kutxitril
-Burdinola
-Maidagan
-Kultur Etxea
-Aixerrota
-Mentxakabarri
-Txorimalo

12:30 Grafittia Txorimalo Gaztetxean
13:30 Bertsolariak
15:00 Bazkaria ( ibilbidean egon direnentzako dohainik )
17:00 Ekitaldia
17:30 6.Urteurrenerako argazkia
21:00 KONTZERTUAK
-Hamaiketan
-Erromeria
- DJ Txori Gaizto

ATERATAKO DIRUA, KUKUTZA HUSTUKETAN IDENTIFIKATUTA IZAN ZIREN GAZTETXEKO 2 KIDEREN ISUNA ORDAINTZEKO IZANGO DA.

ANIMATU ETA PARTE HARTU !
GORA ALGORTAKO OKUPAZIO MUGIMENDUA !

Kukutza II-n sartu direnak atera ditu Ertzaintzak

2011-11-16T12:07:00.000-08:00

Atea botatzeko komeriak izan dituzte, eta horman zuloa eginda sartu dira barrura ertzainak. Arratsaldean okupatu dute Kukutza II izandako eraikina. 20 bat lagun sartu dira; eraikina indarrez okupatu dutelakoan, usurpazio delituagatik inputatuko dituzte. Jendea pilatu da atarian. Kalea itxi egin du Poliziak, eta ertzainek hesia egin dute. Pilotakadaren batzuk izan dira.

Kukutza II Bilboko Errekalde auzoko eraikina hustu du Ertzaintzak. Gaur arratsaldean okupatu dute 20 bat lagunek, 17:30 inguruan. Barruan zeudenak atera dituzte ertzainek 20:30 aldera. Eusko Jaurlaritzako Herrizaingo Sailak BERRIAri baieztatu dio inputatu egin dituztela; usurpazioa egotziko diete, eraikina indarrez okupatu dutelakoan. Jabeak salaketa jarri du auzitegian. Larraskitu kaleko 29.ean dago eraikina. Jendea pilatu da atarian: dozenaka auzotar elkartu dira. Kalea itxi egin du Poliziak. Pilotakada eta borra kolperen batzuk izan dira. Ertzaintzak hesia egin du.

TXORIMALO LANEAN !

2011-11-14T04:24:00.000-08:00

.
Denboraldi berria

TXORIMALO X KUKUTZA

2011-11-12T06:00:00.000-08:00

http://www.youtube.com/watch?v=8DckQAJlYmQ

GAUR TXORIMALO GAZTETXEKO 2 KIDE EPAITU DITUZTE

2011-11-09T13:13:00.000-08:00

.
.
Bilbon epaitu dituzte gaur Errekaldeko Kukutza gaztetxearen eraisketa salatzeko irailaren 24ko elkarretaratzearen ostean Ertzaintzak identifikatutako neska-mutil algortarrak. Bietako bakoitzarentzat 315 euroko isuna eskatzen dute, agintaritzako agenteenganako begirune eta errespetu falta egotzita. Andoni Hernandez abokatuak, ordea, "zalantzagarritzat" jo du 15.108 zenbakiko ertzainaren bertsioa. Poliziak gaurko deklarazioan kalez erratu izana —Errekalde zumarkalea, Gordonizen ordez—"ulergarria" izan daitekeela esan du letraduak, baita geldiarazi zuten mutila Athletic-en kamiseta zeramala esatea ere, egun horretako polizia txostenean jaso ez arren. Halabaina, gazteei bidea mozteko ertzain-autoa espaloian sartu izana gaur arte ez aipatzea aurpegiratu dio Hernandezek, uniformea jantzita eta burua estali gabe, epaiketara aurkeztu den agente bakarrari. "Egun horietako beste gertaeraren batekin nahasten ari ez ote zen" ere aurpegira bota dio abokatuak. Ertzainak deklaratutakoaren arabera, larunbat horretan, "manifestazio eta kontzertuaren ostean izan ziren istiluak". Nahiz eta gaurko bistan akatsaz ez jabetu, egun horretan elkarretaratze informatiboa baino ez zen egon Errekalden.

gertaeren egunean, Errekaldetik metrora zihoazela Casilla parean agertu zitzaien atzetik ertzainen autoa. Kotxea espaloira sartuta zuzenean joan ziren auzipetutako mutilarengana, hura identifikatzeko asmoz. 15.108 zenbakiko agentearen hitzetan, "txistua bota, hatza erakutsi eta 'zipaio putakumeak' deitu" zien gazteak, leihatilak itxita zeramatzatela aitortu arren. "Hori guztia atzetik agertuta, gatza", adierazi dio Andoni Hernandez abokatuak. Errekaldetik Casillarantz beharrean, gertaeren unean, patruila-autoan "behetik gora motel-motel" zihoazela esatera ere heldu da ertzaina. Bitartean, agenteei "zoratuta zaudete, lotsagabe halakoak!" bota ziela aitortu du identifikatutako neskak. Ez, baina, "mutilaren identifikazioa oztopatu eta gainontzeko gazteak polizien aurka altxarazteko", ertzainak berak eta fiskalak ulertzera eman nahi izan dutenez. "Bera eta bere lagunen osotasun fisikoa arriskuan" ikusi zuelako baizik.

Neurrigabeko isuna

Euskaraz egindako deklarazioan, auzipetuek beraiek adierazi diote epaileari "lanik ez" daukatela eta "gurasoen etxean" bizi direla, fiskalaren galderei erantzunez. Hori dela eta, horren isun handia eskatzea aurpegiratu dio akusazioaren letraduari neska-mutilek abokatuak. Hilabete eta erdiz, eguneko 7 euroko kalte-ordaina ezarri nahi diete. "Agintaritzako agenteenganako begirune eta errespetu falta dela eta, Legeak aurreikusten duen zigorrik handiena, gazte hauek aurrekari polizialik ez duten arren", Hernandezek aipatu duenez. Gauzak horrela, zigorra egotekotan, isuna arintzeko eskatu du. Bitartean, inondik inora ez da aipatu gaurko epaiketan, gertaeren egunean, patruila autoa gelditu ostean "istiluen kontrako" furgoneta bat heldu zela eta, bildutakoen korrikaldiak tartean, "pare bat pilotakada ere jaurti" zituztela.

BIDEO EMANALDIA + TERTULIA

2011-11-09T03:15:00.001-08:00

.
.
Ostiral honetan, Azaroak 11, desalojoei buruzko bideo emanaldia eta tertulia edukiko dugu gurean, Euskal Jaiko ta Kukutzako kideekin batera.

Beraz gogoratu, 18:30tan Eztabaida Gunean Desalojoei buruzko ekimena.

Okupazioa aurrera!

ERANDIO BADAUKA GAZTETXEA !!!

2011-10-23T13:00:00.000-07:00

.
Erandiok badauka gaztetxea!. Oihu hori txalo, irribarre eta zorioneko malkoen artean hartu dute gaur arratsaldean Erandioko Jose Luis Goioaga etorbideko kantoi batean bildutako 70 bat gaztek. Erandioko Gazte Asanbladak (EGA) deitutako kalejira musikatuan eta triki-okupa-poteoan aritutako neska-mutilek aurrez aurre izan dute herriko gaztetxe berria, urteotan utzita egon den lantegi zahar batean kokatu dutena. Ospatu egin dute, baina ez dira barrura sartu. Barruan, okupazioa gauzatu duten gazte anonimoak gelditu dira, balizko desalojo bati aurre egiteko asmoz. Halere, EGAk orain dela hilabete batzuk martxan jarritako "Erandion gaztetxea bai!" dinamikari eta uholde laranjari haien ekarpena egin eta lokala eskaini diete, eraikinean okupazio bandera laranja bat astinduz. Bere aldetik, EGAk gaztetxean parte hartzera eta "kale gris honetako txoko guztiak mila kolorez bustitzera" deitu ditu gazteak.

Aurkezpena egin eta ordu erdira, gaztetxearen inguruak miatzera joan dira udaltzainak eta ertzainak. Halere, ez omen dute gazte zentrorako sarbidea topatu eta kalean gelditu dira telefonoz berbetan, aginduak eskatu eta itxaroten. Mandaturik jaso ez dutela, eraikin kanpoan izan diren EGAko kideei argazkiak atera dizkiete. Ondoren, ertzainek alde egin dute eta udaltzainek laguntza-guardia bat utzi dute Goioagan. EGAk asanblada deitu du biharko, arratsaldeko 8etan. Dagoeneko udalerriko Eusko Alkartasunak zoriondu egin ditu.

Izan ere, gaurkoa ez da izan azken urteotan gazte erandioztarrek egindako lehenengo okupazio saiakera. 2009ko apirilaren 23an, gazteek Altzagako Tartanga kaleko 30. zenbakiko lokal publikoan, antzinako CIPean, jarritako gaztetxea herriari aurkeztekoak zirenean Udaltzaingoak desalojatu zituen.

Erandioko Gazte Asanbladaren oharra

Erandiok badauka gaztetxea!

Badaukagu gaztetxea!

Duela bost urte, gazte asanblada martxan jarri genuen, gazte alorrean zeuden gabeziei erantzuna emateko. Urte hauetan, gazteon artean zein herriko jendearekin sormena, herri kultura, elkartasuna, parte hartzea... eta abar sustatu ditugu, eta asko izan gara proiektura bildu garenak.

Gazteak gara: alaiak, errebeldeak, biziak, euskaldunak, aktiboak, sortzaileak gara. Eta elkarlanaren bitartez proiektu honek bizirik jarraituko du.

Azken garaian, gure ilusio eta ametsak herriari islatu nahi izan dizkiogu hamaika dinamikaren bitartez. Erandioko kaleetan laranja kolorea hedatuz, gaztetxe baten beharra zegoela ozen oihukatu dugu.

Gaur arte, gure proiektua mugatuta egon da, gune propiorik ez baitugu izan. Udalak ez dio gure beharrei erantzunik eman eta horren aurrean Erandioko gazteriak bere bidea aukeratu du, okupazioa! Hauxe izan da gure hautua eta hemen gaude! Guztion artean eraiki eta gazteok gestionatuko dugu gaztetxea! Hau da gure gaztetxea! Hau da gure oraina eta etorkizuna! Hau da herriko gazteon momentua!

Berpiztu genituen herriaren ametsak egi bihurtzeko unea heldu da, ilusioz beteta gaude! Goazen bada kale gris honetako txoko guztiak mila kolorez bustitzera!

Gora Erandioko gazteria! Gora Erandioko gaztetxea!

TXORIMALO GAZTETXEA

2011-10-19T12:48:00.000-07:00

"Gazteon irrintzia, hau da, okupazio eta autogestioaren oihua" herriko txoko ezberdinetara zabaltzeko helburuarekin, ekitaldi andana antolatu du ikasturte berrirako Algortako Gazte Asanbladak (AGA). "Herriaren gosea, herriak asetu!" lelopean, Indabadaren 12. edizioa izango da horietan lehenengoa. Urriaren 29an, larunbata, egingo dute Bihotz Alai plazan. Txartelak 8 eurotan daude salgai Amnistia eta Katilu tabernetan, Eztabaida gunean eta Txorimalo gaztetxean. Ekitaldiekin jarraituz, kontzertua eta bideo emanaldia tarteko, azaroaren 26an, Okupazio Eguna izango da. Algortako okupazio mugimenduaren "ibilbide malkartsua" ezagutzeko, herrian izandako gaztetxeetatik ibilbide gidatua, bazkaria, jolasak eta musika saioak egongo dira aipatu jardunaldian.
Azkenaldi honetan Euskal Herriko gaztetxeen eta, orokorrean, okupazio mugimenduaren aurkako erasoak ere ez dituzte ahaztu nahi izan gaurko agerraldian. Horren adibide bezala jarri dituzte Portugaleteko Koskoenea eta Plentziako Ermitatze gaztetxeen hustuketak zein Gasteizko gaztetxeak "Aresen txakurren bitartez jasandako eraso, bortizkeria eta irainak". Bilbo aldera salto eginez, Kukutza III gaztetxearen desalojo, eraisketa eta horren ostean Errekalde auzoak jasandako "salbuespen egoera" salatu dituzte. Azken horretan Algortako Gazte Asanbladako bi kide identifikatuak izan ziren eta epaituak izango dira datorren hilabetean. Ildo horretan, antolaturiko ekintzetan parte hartzera deitu dituzte herritarrak; batez ere, Indabada eta Okupazio Egunean, epaituak izango diren asanbladako bi kideri babesa emateko.

Algortako gazteon irrintzia: okupazio eta autogestioa"

SARRERA

Algortako Gazte Asanblada herriko gabeziak azalarazi eta beste eredu bat eraikitzeko lanean ibili izan da urtez urte: etxebizitza eskubidearen defentsan, kamera eta kontrol sozialaren kontrako kanpainan, azoka antikontsumistetan, jai herrikoien aldeko borrokan, eta abar luze bat.

AURTENGO ILDOA (BORROKA, KANPAINA)

Aurten ere, indarberriturik eta gogotsu, lanari ekiteko prest gaude. Okupazioa eta autogestioa ardatz harturik, eskaintza kulturala eta formakuntza herriari emanez, Algortako gazteon irrintzia, hau da, okupazio eta autogestioaren oihua herriko txoko ezberdinetan aldarrikatzeko helburuarekin. Gazteak gara, ilusioz eta sormenez beteriko gazteak, eta pasibitatearen aurrean beste eredu mota aktibo eta eraikitzaile baten alde lan egiteko prest gaude gazteak. Horregatik, herriarekin elkarlanean, ondorengo dinamikak egingo ditugu urte honetan zehar; gazteon irrintzia zabaltzeko unea delako, okupazio eta autogestioaren defentsan herria aktibatzeko garaia delako.

PLANGINTZA

URRIAK 29. 12. INDABADA. Herriaren gosea, herriak asetu!

AZAROAK 5. KONTZERTUAK TXORIMALON. Kuenta Atras eta Dementziaren diskoaren aurkezpena. Gazteon Ahotsak deiadarra izan dezala!

AZAROAK 11. OKUPAZIO MUGIMENDUAREN HISTORIA bideo emanaldia, Euskal Jai eta Kukutza III-ko kideen kontakizunaz lagundurik.

AZAROAK 26. OKUPAZIO EGUNA. Algortako okupazio mugimenduaren "ibilbide malkartsua" ezagutzeko, herrian izandako gaztetxeetatik ibilbide gidatua, bazkaria, jolasak eta egunari amaiera emateko kontzertuak.

ABENDUAK 16-17-18. PENTSATU, SORTU ETA TRUKATUZ, AUTOGESTIOA BULTZATU!

- Abenduak 16. PENTSATU. Publizitate sexista salatzeko argazki erakusketa.
- Abenduak 17. SORTU. Autogestioaren bidez, tailer ezberdinen eskaintza.
- Abenduak 18. TRUKATU. Sortutakoa trukatzeko truke azoka.

Honetaz aparte, kalejira aldarrikatzaileak, bizikletadak, monologoak, olerkariak, bertso afariak, bideo emanaldiak, hitzaldiak, argazki erakusketak... eskainiko dira gaztetxe eta herriko kaleetan.

Aisialdi alternatiboa eta egitarau kultural anitza eskainiz, adreiluz-adreilu herria eraikitzera goazelako, adreilu bakoitza okupazio eta autogestioaren defentsan kokatuz.

Gu gazteri kritiko, sortzaile eta aktiboa gara, sistema ustel honen makinaria barnetik erdoiltzen duen ur tanta berriak bezala, haien atzapar zorrotz eta zikinetatik ihesi doan gazteria, azken finean, haien kontrolpetik at dagoen gazteria. Gure beldur dira, ezabatu nahi gaituzte eta horregatik ugariak izan dira azkenaldi honetan Euskal Herriko gaztetxeen eta, orokorrean, okupazio mugimenduaren aurkako erasoak. Horren adibide argi dira Portugaleteko Koskoenea gaztetxearen desalojoa, Plentziako Ermitatze gaztetxearen desalojoa, Gasteizko gaztetxeak Aresen txakurren bitartez jasandako eraso, bortizkeria eta irainak; eta Kukutza III gaztetxearen desalojo, eraisketa eta honen ostean Errekalde auzoak jasandako salbuespen egoera. Azken honetan Algortako Gazte Asanbladako bi kide identifikatuak izan ziren eta epaituak izango dira datozen egunotan.

Amaitzeko, okupazio eta autogestioa ardatz bezala harturik, herriko gazteria pizteko, Algortako Gazte Asanbladak antolaturiko ekintzetan parte hartzeko deia luzatzen dizuegu; eta batez ere, epaituak izango diren Asanbladako bi kideri babesa emateko, indabadako ekimenetan eta okupazio egunean parte hartzera animatzen zaituztegu.

Okupazioa eta autogestioak oihartzuna izan dezala herriko txoko eta bazter guztietan!

Algortako Gazte Asanblada (AGA)
txorimalogaztetxea.blogspot.com

ALDE HEMENDIK

2011-10-16T06:35:00.000-07:00

Ares se lava nuevamente las manos y es capaz de negarse a si mismo. Ares afirmo en el Parlamento de Gasteiz que no permitiria en la CAV actos nazi-fascistas y los autorizo. Ares esconde la participacion de la Ertzaintza de Getxo en el caso de "Falange y Tradicion", ocultando los datos optenidos. Ares esconde la identificacion de elementos nazi-fascistas en Durango y Donostia despues de haber sido identificados, tras realizar actos de propaganda, etc...
Pero claro, que va a decir Ares, cuando el mismo se ha reunido y ha compartido actos con elementos de la extrema derecha.

1 y 2.- El seguimiento de los grupos de corte fascista y de sus acciones se realiza desde las distintas Comisarías de la Ertzaintza y también, desde la Unidad de Información adscrita a la División Antiterrorista y de Información.
En la CA del País Vasco, no ha habido incidentes, actuaciones policiales, denuncias ni siquiera situación de peleas o conflictos por motivos nazis y/o de ultraderecha.
En muchos casos la difusión en prensa y televisión de este tipo de conductas responden más al interés mediático que a la propia realidad, siendo en todo caso acciones de poca entidad.
En concreto, las pintadas y pegatinas nazis aparecidas en el mes de agosto en Gasteiz, de tener alguna relación, la tienen con el conflicto de la
mezquita de Zaramaga y la reacción vecinal negativa a su instalación en dicho barrio. Con posterioridad y a fecha de hoy no se han vuelto a detectar ese tipo de pintadas.
Por lo que respecta a la demarcación de la Comisaría de la Ertzaintza de Getxo, se tiene constancia de la aparición de una pintada en una cabina telefónica sita en el barrio de Larrabasterra en Sopelana en la que podía leerse en una diana la palabra asesinos dentro de un cartel electoral de la coalición Bildu.
También de una pintada en una señal de tráfico en la que se leía “esto es España” y a modo de firma los números 88.
3.- En cuanto a determinar el número de grupos de corte fascista que están operando en la CAV, es de difícil cuantificación, dado que es frecuente la realización de acciones esporádicas que se reivindican de forma genérica, mediante la inserción de simbología de carácter nazi (esvásticas, cruces celtas, etc).
Gasteiz, 5 de octubre de 2011
Rodolfo Ares Taboada (Consejero de Interior).

12. INDABADA

2011-10-14T06:52:00.000-07:00

Badator 12.indabada Herriaren gosea, Herriak asetu !!! URRIAK 29
- 10:00etan gibelurdinek musika animazioa
- 12:00etan Herri Kirolak
- ondoren Aurresku eta Ekitaldia
- 15:00 Bazkari Herrikoia
- Bazkal ostean jolasak
- 12.Indabadaren Argazki Erraldoia
- 18:00inguru Poteoa
- Eta Bukatzeko sorpresak eta Gaupasa Txorimalo Gaztetxean !!!
Sarrerak salgai : eztabaidan , katilu ,gestoras eta txorimalo gaztetxean 8€ren truke.
GORA INDABADA HERRIKOI ETA PARTEARTZAILEA

EPAIKETARIK EZ !

2011-10-12T14:04:00.000-07:00

Azaroak 9an Txorimalo Gaztetxeko 2 kide epaituko dituzte Bilboko auzitegian kukutza Gaztetxea hustuketa bortitzaren ondorioz. Ertzaintzak identifikatu zituzten ezer ez egiteagatik eta arrazoi gabe Irailak 24 larunbateko kontzentrazioaren ondorioz.
Ez dugu salatu gabe utzi nahi Errekaldeko kaleetan zehar bizi izan den egoera errepresiboa. Ertzaintzaren jarrera neurrigabe eta basatiaren testigu zuzenak izan baigara.
Horregatik, deialdia egin nahi dugu parte hartzeari azaroan egingo den 2.okupazio egunean eta 12.indabadan burutuko diren ekintzetan babesa emateko.

EZ DAGO EZER OSPATZEKO !

2011-10-12T07:35:00.000-07:00

ITZUBALTZETA GAZTETXEAREN 7.URTEURRENA

2011-10-03T10:31:00.000-07:00

TXORIMALO X KUKUTZA

2011-10-03T10:21:00.000-07:00

Ohar honen bidez, Algortako Gazte Asanbladak Kukutza gaztetxeko kideekin eta Errekaldeko auzokideekin gure elkartasun osoa adierazi nahi dugu. Asanblada honetako norbanako eta Txorimalo gaztetxea aurrera eramaten dugun herri eragile guztiek bat egiten dugu Errekaldeko gaztetxeak aurrera daraman proiektuarekin. Azken aste hauetan ikusi izan dugu nola gure gaurko agintariei, (kasu honetan Bilboko alkate den Iñaki Azkuna jauna eta Herrizaingo Saileko sailburu dugun Rodolfo Ares jaunari) berriro ere eskutik joan zaien. Kapitalaren mesedeetara hartutako erabakiak geroz eta itolarriagoa egiten du egoera. Gutxi batzuen aberastasuna, herri-kolektiboaren nahi eta beharren gainetik igaro da berriro ere. Jabetza pribatuaren aitzakiapean urteetan nekez eta irriz eraikitako gune autogestionatu, aske eta anitza literalki suntsitu dute.

Ez al dugu ba herri bat osatzen dugun norbanakook gure artean antolatu eta gure bizitza beste sistema eredu batean eraikitzeko eskubiderik?

Auzolanean sinisten dugulako, herri kulturan sinisten dugulako, sorkuntzaz, dantzaz eta irriz bizi nahi dugulako, adierazpen askatasunean sinisten dugulako, inposatua zaigun eredu patriarkal hau baztertzen dugulako, gazte eta aske izan nahi dugulako, ama-lurraren bortxaketa basatiaz nazkatuta gaudelako, honegatik denagatik ozen oihukatu nahi dugu:

Gora Kukutza!
Gora okupazio mugimendua!

Asko dira gure ametsak zapuztu nahi dituztenak, eta horien artean herriaren zaindari behar zuten polizia autonomikoa dugu.Ez dugu salatu gabe utzi nahi Errekaldeko kaleetan zehar bizi izan den egoera errepresiboa. Ertzaintzaren jarrera neurrigabe eta basatiaren testigu zuzenak izan baikara.

Algortako zenbait herritarrek jasandako botere nagusikerien testigantzak biltzen ari gara ulertezin eta jasanezin zaigun momentu honetan. Honela bortizkeria kasu hauek paper gainean gera daitezen eta Kukutza Gaztetxearen desalojo eta eraiste egunetan gertatutakoa errazago uler dadiln nahiez.

Norbaitek halako kasurik jasan izan badu, mesedez idatzi Kukutza gaztetxeko kideei kukutza[abildua]gmail.com edo zuzenean sastrakagaztetxea[abildua]hotmail.com eta guk helaraziko diegu Kukutzako kideei.

Algortako Gazte Asanblada

URRIAK 8 DENOK BILBORA !!!

2011-10-03T03:48:00.000-07:00

.
.
.
Datorren Urriaren 8a, arratsaldeko 6 etan, larunbata, Bilboko kaleak hartuko ditugu Gaztetxea gara! lelopean; Manifestazio Internazionala burutuko dugu Kukutzaren alde
Gaztetxeak beharrezkoak dira, bai Errekalden, Euskal Herrian eta Mundu osoan. Gaztetxeak mundua eraldatzeko tresna dira, antolatzen ikasteko lekuak, bizitzen ikasteko lekuak, borrokatzen ikasteko guneak. Mundu madarikatu hau aldatu behar dugu, buelta eman behar diogu egoera honi, eta bide horretan, gaztetxeek ezinbesteko funtzioa bat betetzen dute.hau da zure tokia! hau da gure momentua !!
Euskal Herriko gaztetxekideak!! ekar itzazue kukutzaren aldeko zuen pankartak manirako.

OSTEGUN HONETAN EZTABAIDAREN INAUGURAZIOA

2011-09-27T13:35:00.000-07:00

BOTA DUTE BAINA BIZIRIK DIRAU !!!

2011-09-26T13:41:00.000-07:00

.
.
Asteazken goizean, goizeko 5etan, Euskal Herriko Gaztetxe Mugimendua kolpatu duen berri txar batekin esnatu ginen. 13 urtetan auzo eta herriarentzat lanean egon den Kukutza Gaztetxea desalojatzeko lehen pausoa ematen ari ziren. Donostiako Zinemaldiko filme beldurgarri bat zirudien; tanketak, aurpegia estalita zeramaten boterearen txotxongiloak, herritarrak jipoitzeko hainbat tresna, ... Desalojoarekin ez zuten nahikoa eduki eta egun hauetan beraien babesa ematera joandako jendearen kontra oldartzen jarraitu zuten. Dendetara eta tabernetara pertsianak eta ateak apurtzen sartuz, osasun etxera sartu eta parte medikuak lapurtuz eta beraien parean jartzen zen edozein erasotuz. Horretaz gain, ehunka zauritu eta hamarnaka atxilotu egon dira hiru egun hauetan. Gure babes eta indarra guzti hauei.
Gertakari tamalgarri guzti hauek PNVren borondate politikoaren bidez ekidin zitezkeen. Beraiek agintzen dutela argi utzi nahi dute, horregatik beraien irizpideetatik kanpo geratzen den edonor kriminalizatu eta jipoitu egiten dute. Azkuna jaunari esan, gu ere ez gaudela bere gizarte ereduarekin bat, non indibidualismoa, kontsumismoa, jabego pribatua… defenditzen diren pertsonen eta kolektiboen gainetik.
Beste gizarte eredu bat posiblea da eta Kukutzak hori erakutsi du 13 urte hauetan zehar. Autogestioa posiblea dela erakutsi du, kontsumismo basatiari aurre eginez, azken finean, Errekalde auzoari Udalak eskaintzen ez dion espazio libre bat eskainiz.
Zoritxarrez, Kukutza ez da erasotua izan den Gaztetxe bakarra. Azken hilabete hauetan hainbat Gaztetxe erasotu dituzte, esate baterako, Zallako Gaztetxeari sua eman eta tuberiak apurtu zizkieten; Gasteizko Gaztetxera polizia sartu eta bertakoak identifikatu eta jipoitu zituzten; Plentziako Gaztetxea, Iralako Gazte Lokala eta Koskoena Gaztetxea desalojatu zituzten eta besteetan, tamalez, kontrolak eta mehatxuak eguneroko ogi dira.
Eraso guzti hauen aurrean, gure besarkada beroena erasotuak izan zareten guztioi eta batez ere, Kukutzako lagunei. Gaztetxe eta Gazte Asanblada Mugimenduari eguneko lanari tinko eusteko dei egiten dizuegu, gizarteak desalojoen aurrean zer nolako babesa erakusten digun ikusi baita.

Gure ametsak, zuen ametsgaizto dira eta, horregatik, desalojo baten aurrean okupazio berriak emango dira!
Herri bat Gaztetxe bat!
Boterea zirikatu!
.
.

UXOTEGI GAZTETXEA JAIO EGIN DA

2011-09-26T13:35:00.000-07:00

.
.
Tras estar abandonado desde hace más de veinte años, varios jóvenes de la Parte Vieja donostiarra han ocupado un edificio de la calle Gaztelubide, en la subida a Urgull, con el objetivo de convertirlo en el gaztetxe del barrio. Ha sido bautizado con el nombre de Uxotegi, en alusión a la pequeña casa de color verde que antaño daba cobijo a las palomas, junto a la ikastola Orixe.

«Dadas las pocas aportaciones que ofrecen las instituciones como ocio para la juventud, limitándolas a bares y discotecas, queremos ampliar nuestro desarrollo en base a proyectos creativos y de desarrollo participativo», explicaron los jóvenes.

Conscientes del «modo de vida repetitivo y consumista» de los jóvenes de la Parte Vieja, han apostado por construir «un espacio autogestionado, participativo, activo, desde el barrio y para el barrio». Explican que tienen pensado trabajar sobre «la conciencia social en nuestro entorno, hacer frente a la desidia de la juventud generando debates, conferencias, talleres, formación, expresión artística...»

Posibilidad de reunión

Por la mañana, nada más acceder al edificio, varios agentes de la Guardia Municipal les aconsejaron que no lo hicieran dado que el inmueble se encuentra en malas condiciones. También se acercó personal del Ayuntamiento donostiarra. Los jóvenes aseguraron que el interior necesita una buena limpieza , pero que la estructura está estable.

Si las circunstancias lo permiten, afirman que seguirán con el proyecto que acaban de poner en marcha. Por el momento rehusaron la posibilidad de acercarse al Ayuntamiento para dar cuenta de las necesidades e intereses que tienen, a pesar de que el nuevo Gobierno Municipal de Bildu ha dejado claro su afán de potenciar la participación y la transparencia.

Junto a ello, mostraron su total solidaridad a Kukutza, así como a todos los detenidos durante el desalojo.

TINKO TA GOGOR EUTSI KUKUTZA !!!

2011-09-21T13:05:00.000-07:00

KUKUTZA ALERTA GORRIA !

2011-09-13T11:35:00.000-07:00

Kukutzaren huste mehatxua gero eta hurbilago dugu. Badirudi gaur edo bihar etorriko direla gaztetxea hustu eta eraustera. Horrexegatik, Kukutza III Gaztetxeak deialdia luzatzen du ZUEN ELKARTASUNA ETA LAGUNTZA eskatuz hau gerta ez dadin. Azken Guda Dantza hasi da!!!!! Adi Egon Kukutzatik egingo diren deialdiei!!!

Besterik gertatzen ez bada, bihar goizean 11:00etan Prentsaurrekoa egingo da KukutzaIIIGaztetxean azken gertaerak azaltzeko.

EZ DIRA PASAKO!!! KUKUTZA IKUTU BEZ!!!!

-

El desalojo de Kukutza es inminente. Todo apunta a que entre hoy y mañana vengan a desalojar y derribar el gaztetxe. Por eso desde Kukutza III Gaztetxea hacemos un llamamiento solicitando VUESTRO APOYO para evitarlo. Ahora sí que estamos en estado de alerta roja. El baile ya ha empezado!!!!! Estad atentas a las convocatorias que se vayan llevando a cabo!!!!

Si no hay novedades, mañana a las 11:00 de la mañana se va a llevar a cabo una rueda de prensa en Kukutza III Gaztetxea para informar de los últimos acontecimientos.

NO PASARAN!!! KUKUTZA NO SE TOCA!!!!

TXORIMALO GAZTETXEA BERRIRO LANEAN

2011-09-11T13:39:00.000-07:00

KUKUTZA AURRERA !

2011-09-08T05:57:00.001-07:00

EMAN BUELTA VUELTARI !

2011-09-07T14:09:00.000-07:00

HAU EZ DA ESPAINIA ! QUE SE DEN LA VUELTA !

2011-09-07T13:50:00.000-07:00

Mobilizazioa
Viernes 9, a las 14.00 horas, concentración en el Alto de las Muñecas, en la frontera de Cantabria con Bizkaia.
Viernes 9, a las 16.00 horas en la meta de Bilbo.
Sábado 10, a las 11.00 horas en la salida de Bilbo.
Sabado 10, a las 16.00 horas en la meta de Gasteiz.

.
.

KUKUTZA ALARMA GORRIAN

2011-09-07T04:37:00.000-07:00

.
KUKUTZA ALARMA GORRIAN DAGO!!! Esta es la situación de Kukutza: !!Empieza el baile!! El Ayuntamiento de Bilbo ha concedido la LICENCIA DE DERRIBO y YA está en manos de Cabisa. Ahora mismo estamos a la espera de que el juez entregue a la Ertzaintza la orden de desalojo.!Ya sabemos como funcionan! asi que el desalojo puede ejecutarse en cualquier momento. ADI EGON!!

PTP KONTRAKO AKANPADA

2011-09-06T06:01:00.000-07:00

.
.
.
Ez dira hainbeste urte kandileak baleen oiloaz piztu behar zirenetik, ez eta arropa herriko labaderora eramaten zenetik,baina badirudi azken mendean mila urteko eboluzioa agortu nahi izan dugula.

Beste persona asko bezala, nekatuta gaude bai gure bizitzaren norabidea bai inguruaren etorkizuna gutxi batzuen eskuetan egoteaz, eta lan egingo dugu, baita borroka egin ere, ohitura eta ogibide batzuk berreskuratuak izan daitezen.

Politikariek nahiz enpresaburuek, tradizionalistatzat jotzearen beldurrez, politika progre eta liberalak aukeratu dituzte… zer nolako etorkizuna utziko digute?

Bada, zuloz eta zorraz jositako sistema. Utz gaitzatela bakean; guk badakigu nola antolatu, ez baitugu ezer berririk asmatuko: nekazaritza, arrantza, eskulagintza, abelzaintza, e.a. izango dira gure sistemaren oinarriak eta asanblada herrikoiak horren ardatza.

Turismo eta zerbitzuak lehen bezala komplementuak baino ez dira izango, tortillari buelta eta bokadu eman behar diogu.

Ezin hobeto datorkigu kapitalak pairatzen ari den krisialdia. Krisiak, aldaketa esan nahi du, onerako aldaketa hain zuzen, eta jakin badakigu amalurrarekiko oreka berrezkuratzea ez dela soilik zera ona, premiazkoa baizik.

Uribe Kostan zehar Lurralde Zatikako Planak 30.000 inguru etxebizitza aurreikusten ditu, eta bakarrik Getxon 8000-11000 bitarteko kopurua (getxoko Udalak 5000 bizitoki baino ez direla izango esan arren, gogora dezagun LZPa 16 urteko epeari eginda dagoela).

Gainera Udal honen jarrera salatu nahi dugu: Maidagango tren geltoki zaharra mantentzea aspaldituk aldarrikatu dute auzokideek, eta hori egin ordez Ibarbengoako metro geltoki berria egin dute, zelaien artean, Andra Mari auzoko nekazal eremuekin espekulatzeko asmoz.

Horrexegatik, irailaren 8. 9, 10, eta 11n LZParen aurkako akanpada (akanPTPatada) antolatu dugu, geltoki horren parean.

BADATOR 12.INDABADA !!

2011-09-05T13:48:00.000-07:00

.
.
Laister indabada buruzko batzar irekia. Indabada herrikoi eta partehartzaile bat izateko asmoz... GUZTION ARTEAN LORTUKO DUGU. ANIMATU ETA PARTE HARTU !!!

GUAITOROCK FINALA TXORIMALO GAZTETXEAN

2011-09-05T13:39:00.000-07:00

ADI ! POLIZIAK GASTEIZKO GAZTETXEA ERASOTU DU !

2011-09-05T13:29:00.000-07:00

.
.
.
.
ADI! Ayer por la noche sin motivo ni justificación alguna, agentes de la policia armada vasca junto con sus peleles municipales atacaron el Gaztetxe de Gasteiz y la gente que alli se encontraba. Despues de entrar ilegalmente y llevarse fotos de pres@s politic@s y pancartas contrarias a la policia se liaron a hostias con la gente que allí estaba dejando identificados y heridos tras de sí.

Esto no lo vamos a tolerar!!

La Gazte Asanblada del Gaztetxe de Gasteiz se reunió ayer para denunciar una nueva agresión contra la casa autogestionada de Alde Zaharra. En esta ocasión, los ocupantes fueron un nutrido grupo de agentes de la Ertzaintza y de la Policía local de la capital alavesa, que pasadas las 3.30 de la madrugada desalojaron a las cuarenta personas que se encontraban dentro del edificio.

Tal como explicó un portavoz de la Gazte Asanblada, el desalojo se produjo de manera violenta, dejando al menos quince heridos en las diferentes cargas policiales que tuvieron lugar en los exteriores del Gaztetxe. Es más, según relató, un joven recibió una «paliza» por parte de los policías en las inmediaciones de la plaza de Correos.

Además de las agresiones denunciadas por los jóvenes, durante el desalojo los agentes procedieron a la detención de una persona, e identificaron a otras dos.

Por último, desde la Colina gasteiztarra anunciaron que este miércoles tendrá lugar una rueda de prensa donde darán más detalles de esta última agresión.

Ermitatze gaztetxea desalojatu dute

2011-08-08T14:14:00.000-07:00

.
.
.
Gorlizko Andra Mari jaien biharamuna ez da batere samurra suertatu inguruko gazteentzat. Herria lozorroan zela, goizeko 9:30ak aldera heldu dira Plentziako Ermitatze gaztetxera udaltzainen patruila bat eta Ertzaintzaren bi ibilgailu. Bi langilek etxe okupatua hormatzea ahalbidetu behar zuten sei poliziek. Beranduago heldutako 15 bat lagunek barruan zeuzkaten gauzak ateratzeko aukera baino ez diete eman. Hustuketa agindua eskatu ere egin behar izan diete poliziei, aurretik erakutsi ez baitute. Isamari Zarauza alkateari hots eginda "horretaz ideiarik ez" zeukala esan du agintariak, auzokideetako batek UKBERRI.NETi adierazi dionez. Udaltzainek, ordea, agindua ostiraletik zeukatela aipatu dute, herritar horren arabera. Gaur arratsalderako manifestazioa deitu du Plentzia ta Gorlizko Gazte Asanbladak: 19:30ean abiatuko dira Piruli plazatxotik.

Neska-mutilek Ermitatze barruan zeuzkaten gauzak gordetzeko lokala uztea eskatu diote udal agintariari. Baina ezezkoa eman du Zarauzak. Gauzetako batzuk Sekeko gaztetxera eraman dituzte, Gazte Asanblada Sopeloztarraren elkartasunari esker. Bitartean, Ermitatze gaztetxea hormatu egin dute, istilurik ez dela egon.

Zortzi hilabetez arriskuan

Urte hasieran Andra Mari kale plentziarreko 1 zenbakiko etxean sartu ziren Plentzia ta Gorlizko Gazte Asanbladako (PGGA) kideak, bertan gaztetxea egiteko asmoz. Urtarrilaren 7an, baina, okupatutako etxeraino gerturatu zen Ertzaintza. Jabeak salaketa jarri ostean, gaueko bederatziak aldera heldu ziren Ermitatzera poliziak. Bertan zen neska-mutil mordoaren artetik zazpi identifikatu zituzten ertzainek. Eta horiei guztiei epaiketa azkarra egin behar zieten lau egunetara. Gazteetako batzuk aurkeztu ziren arren, ez zuten deklaratzerik izan, "sare informatikoan matxura" zela eta. Bigarrenean, ordea, bai. Apirilaren 14an agertu behar izan ziren epailearen aurrera urtarrilaren 7an Ermitatze gaztetxean identifikatutako zazpi neska-mutilak. Getxoko Justizia Jauregian egindako bista amatuta, ordea, gazteen kontrako prozesura penala artxibatu egingo zuela jakinarazi zien letraduei magistratuak. Behin-behineko hustuketa arriskua ere usatu egin zuten orduan, horrelako eskaerarik ez baitzen egon. Zortzi hilabeteren ostean bota egin dituzte.

Plentziako Ermitatze gaztetxearen hustuketa

GETXOKO UDALARI ZUZENDUTAKO GUTUN IREKIA

2011-07-26T04:41:00.000-07:00

.
.
.
.
Agiri honen bitartez, Algortako Gazte Asanbladak bere haserrea adierazi nahi du Getxoko Udalak espazio eta gune publikoetan bideo-zaintza kameren kokapenarekin izan duen jarreraren aurrean. Argi utzi nahi dugu bideo-zaintza kamerek, herritarren pribatutasunaren, biltzeko eta elkartzeko askatasunaren eta adierazpen askatasunaren aurkako eraso bat suposatzen dutela; azpian gazteria kriminalizatzeko intentzio maltzurra ezkutatzen dutelarik. Pribatutasuna, norbanakoaren nortasun pertsonalaren garapenerako ezinbesteko elementua da, etengabe behatuak eta epaituak izatearen beldurra kentzen baitigu eta gure esku uzten du gure informazio pertsonala noiz eta norekin konpartitzeko erabakia. Baina gune publikoetan kokatutako bideo-zaintzak eskubide hau kentzen digu, anonimatua lapurtu eta babesgabeturik uzten baikaitu udaltzainen eta Udalaren begirada zorrotzaren aurrean. Argazkian, Bihotz Alai plazako bideo-kamera bat.

Kameren atzean nor dagoen ikusten ez dugunez, oso zaila da hauen presentziaren aurrean nola erantzun jakitea eta are gutxiago hartzen dituzuen irudiak maltzurki eta modu kriminalizatzailean erabiliko ez dituzuela jakitea. Honengatik, pertsona ugarik beren portaera aldatzen dute eta kamerez zaindutako guneetatik ez dira pasatzen; ez ezer txarrik egin dutelako, baizik eta Udaltzainen arreta ez deitzeko eta beraien ekintzak modu kriminalizatzailean erabiliak ez izateko.

Adierazpen askatasuna eta biltzeko askatasuna, demokratiko deitzen dituzuen gizarteetan oinarrizko bi eskubide dira, herritar guztiei bermatu behar zaizkienak. Baina bideo-zaintza kamerekin bi oinarrizko eskubide hauen kontra jotzen duzue zuzenean; herritarrek manifestazio edo protesta batean filmatuak izaten ari direla jakitean, kameren presentziak herritarren askatasun politiko eta parte hartze demokratikoa murrizten baitu.

Baina pribatutasun, adierazpen askatasuna eta biltzeko askatasuna erasotzeaz gain, gazteria kriminalizatu nahi duzue kameren presentziaz. Jakin bazenekiten Txiki eta Otaegi plazan herriko gazte koadrila gehienak biltzen zirela. Horregatik, Txiki eta Otaegiko obrak hastean, Bihotz Alai enparantza egokitu zenuten gazteok enparantza hau erabili dezagun. Baina ez enparantza honetan hiru kamara jarri gabe: bat sarreran eta beste bat irteeran, argi utziz Getxoko Udalak kriminalak balira bezala tratatzen dituela gazteak.

Guzti honengatik, Algortako Gazte Asanbladak gune eta espazio publikoetako kameren berehalako desagerpena eskatzen dio Getxoko Udalari; eta galdera bat bidaltzen diegu herritarrei: Segurtasunak justifikatzen al du pribatutasunaren, adierazpen askatasunaren eta biltzeko askatasunaren urraketa?

Algortako Gazte Asanblada

KUKUTZA EGITARAUA

2011-07-20T06:29:00.000-07:00

.
.
.
.
Euskal kulturaren zaleak, zori onez gaude, aste honetan euskal kulturgile anitzen bisita izango dugu ta.

eguaztena 20, HORTZMUGA "ZIRKU ILUNA" 19.00etan

eguena 21, SORKUN AKUSTIKOA 22.00etan

barikua 22, GIBELURDIÑEK FOLK EUROPARRA 20.00etan

zapatua 23, BERTSO BAZKARIA (ESTIBALLES, ENBEITA, ORMAZABAL)14.00etan

KEPA JUNKERA GAZTETXEAN 19.00etan

MANIFESTAZIO INTERNAZIONALA

2011-07-08T05:29:00.001-07:00

.
.
.
.
Kukutza III gaztetxea huste eta botatze arrisku larrian dago.

Epaileak eraikina husteko agindua sinatu du, errekurtsoa aurkezteko aukerarik eman gabe; eta eusko jaurlaritzaren onarpena dauka eraikina botatzeko baimenak. Epaitegiko tramiteak zein tramite administratiboak aurrera doaz habiadura bizian eta premiazko izaerarekin.

Hau guztiagatik, uztailaren 16an, 18:00retan Bilboko udaletxetik habiatuko den naziaorteko manifestazioa prestatu dugu, beste gauza batzuen artean. Mobilizazio honetara dei egiteko zure laguntza beharrezkoa dugu.

Zer eskatzen dizuegu?

Zuen hizkuntzan dagoen manifestazioaren kartela deskargatu eta inprimatu, kartela eskuetan argazki bat atera eta ondorengo helbidera bidali: kukutzalove@gmail.com . Garrantzi handikoa da zuen partehartzea, errekalderako bereziki, baina baita Bilborako zein Euskal Herriko kolektiboentzako ere.

Kukutza III Gaztetxea, gurea da garaipena!! Guztion artean lortuko dugu!! Ez dira pasako!!

.

KUKUTZA DEFENDA DEZAGUN

2011-07-08T05:25:00.000-07:00

.
.
.
.
ERRESISTENTSIA BRIGADAK KUKUTZAN!!!

BRIGADAS DE RESISTENCIA EN KUKUTZA!!!

RESISTANCE BRIGADIERS IN KUKUTZA!!!

Ekarri ahal duzuen guztia (Furgonetak, kanpin dendak, herramienta, ideiak, gogoak, janaria, lo sakuak, .....)

Traed lo que podais (Furgonetas, tiendas de campaña, herramienta, ideas, ganas, comida, sacos de dorir, ....)

Bring all you can, (Vans, camping tents, tools, ideas, food, sleeping bags,...)

GAZTETXEAREN 6.FUTBITO TXAPELKETA

2011-07-01T05:16:00.000-07:00

.
.
.
Aurtengo 6.Futbito txapelketaren irabazlea JOKOZ KANPO taldea lortu egin du. ZORIONAK !

6.FUTBITO TXAPELKETA

2011-06-26T13:20:00.000-07:00

.
.
.
Ekainak 29,30 eta uztailak 1, arratsaldeko 17:00 aurrera.Ez ahaztu aurten "EUROPAN" jokatuko dira partiduak

SOLSTIZIO GAUA TXORIMALO GAZTETXEAN

2011-06-20T13:14:00.000-07:00

.
.
.Ekainak 23 solstizio gaua ospatuko da Txorimalo Gaztetxean 21:00 aurrera.Bertan Txokolatada , Sardinada , dantzak.... Animatu eta parte hartu !!

Eutsi Kukutza !

2011-06-18T11:48:00.001-07:00

Zuetariko askok badakizuen moduan, orain dela pare bat hile udaltzaingoak gaztetxera etorri ziren. Ostirala zen, goizaldeko ordu biak, usurpazio salaketa baten berri eman eta horren ondorioz eraikinean zeudenak identifikatzea zen asmoa.

Gau horretan identifikatutako pertsonak zirkorako materialak deskargatzen ari ziren eta oraingoz ez dituzte deitu deklaratzen joateko. Epaiketa prozesua hasi barik dagoela esan leike, baina badakigu Cabisa bere helburua betetzeko aurrerapausuak egiten ari dela, Kukutza hustu eta berau botatzea, hain zuzen be.

Horregatik, sinadura eta atxikimenduak biltzeko kanpaina egiten hasi gara, Kukutzak inoiz baino gehiago behar duelako jendearen laguntza, urte luzeetan Errekalde zein Bilbo mailan beragaz lanean egondako mundu guztiaren laguntza, danok garelako Kukutza.

Momentuz, lanean jarraituko dugu, geure proiektu eta ilusioak eraikitzen, 13 urte hauetan egin dugun su eta indar berberagaz.Cabisa, orain 17 urte eraikina erosi eta gaur egun arte inongo ardurarik agertu ez duen eraikin enpresak salerosketa askeko etxebizitzak egin nahi ditu, Errekalde auzoak behar ez dituen arren.

Kukutza zutunik!

TXORIMALO GAZTETXEAREN 6. FUTBITO TXAPELKETA

2011-06-15T13:57:00.000-07:00

KOSKOENEA DESALOJATZEN ARI DIRA !

2011-06-09T13:03:00.001-07:00

.
.
.
.
Portugaleteko Koskoenea gaztetxea desalojatzen ari dira.

Gaur (ekainak 9) 20:00etan manifestazioa azoka zaharretik;

adi hurrengo mobilizazioei!!!

JARDINERITZA EKOLOGIKOA

2011-05-19T13:55:00.000-07:00

KORRIKA ETA TXORIMALO GAZTETXEAREN URTEURRENEKO BAZKARIA

2011-04-10T06:57:00.000-07:00

AGROLINPIADAK

2011-03-30T13:16:00.000-07:00

.
.
Iepa gazte !
Algortako Txorimalo Gaztetxea 5.urteurrenaren haira, apirilak 12tik 16ra bitartean hainbat aktibitate antolatu ditu txorimalok.Agroolinpiadekin gozatzeko aukera izango dugu.

Beraz, koadrila, Talde zein gazte asanbladei apirilak 13an asteazkena arrtsaldeko 17:00etan gaztetxe ondoko landetan ospatuko diren agroolinpiadetan parte hartzeko gonbidapena luzatzen dizuegu. Ez ahaztu aldatzeko arropa, zikinduko gara eta! ondoren, 20:00tan laburmetraiak ikusteko parada izango dugu.

ANIMATU ETA PARTE HARTU !
ZORIONAK TXORIMALO !

ARGAZKI TXAPELKETA

2011-03-30T13:08:00.001-07:00

.
.
Erakusketa eta bozka:
Apirilak 4,5,6,7 eta 8 aldai Patronatoan arratsaldeko 18:00-20:00

TXORIMALO GAZTETXEAN:
Erakusketa apirilak 14 osteguna arratsaldeko 17:00
Gaztetxeko taberna irekita egongo da arratsalde osoan pintxoekin

EUSKAL DANTZA IKASTAROA

2011-03-30T12:45:00.000-07:00

GALDAKAOKO GAZTETXEAREN DESALOJOA !

2011-03-23T06:49:00.000-07:00

Galdakaoko Gazte Asanbladaren oharra:

Galdakaoko Gazte Asanbladak asteburu honetan zehar Joseba Escribano alkateak eta Ibon Uribe alkategaiak udaletxeko arduradun politiko bezala izandako jarrera salatu nahi du. Laburki, hurrengoak dira asteburuan zehar jasotako gerterak.

Barikue 18. Kalejira baten ostean Maximo Moreno parkeko gaztetxearen okupazioa publikoa egin zen.
Larunbata 19. Goizean auzolana egin zen, gero herri bazkaria eta arratsaldean 80 kide inguruk parte hartu zuten herri olinpiadak burutu ziren. Gaubelaren ostean jentea etxera joan zen eta bi gazte gaztetxe barruan geratu ziren lotan.
Goizeko 3:00tan, hiru minizipal, porra batekin armatuak, paisanoz jantzitako poliziaren eta Ertzaintzaren hiru patrullaren laguntzarekin, gatetxe barrura sartu ziren atea modu basatian apurtuz, “Corcuera” estiloan. Barruan lotan zeuden gazte biak bultzatu eta mehatzatu ondoren usurpazio delituak egotzi zizkieten.
Hala ere, polizientzako ustekabea barruan zeuden gazte bien abokatua bertaratu zenean etorri zen. Mediazio lanak egiten hasi eta ea epailearen aginduren bat dagoen galdetu zien. Idatzizko agindurik ez zegoela erantzun zuten, eurak autoritatea zirela adieraziz eta agindua eurek ematen zutela esanez.
Bitartean kalean, barruko gazte biei elkartasuna emateko hainbat lagun bildu ziren.
Desalojoa gaztetxea inolako agindu judizialik gabe prezintatua geratu zenean amaitu zen
Domeka 20. Egoera guzti horren aurrean herriko gazteak lanean jarraitu eta udaletxearen jarrera salatzeko kalerjira eta kartel pegada masiboa egin zen.
Astelehena 21. Gazte Asanbladako kideak udaletxera gerturatu gara beraiekin harremetan jartzeko asmoarekin eta polizia munizipalak inongo argudiorik eman gabe bertan sartzea galarazi digu; agindua udaletxetik zetorrela esanez.

Lehenengo eta behin, Galdakaoko Gazte Asanbladak esan beharra dauka argi ikusi duela zein den Udaletxearen jarrera, jarrera kazike eta totalitarioa. Herritarrei hitza ukatuz eta inpozizioaren bitartez gure ekimenak oztopatu ditu, horretarako poliziaz baliatuz. Ondorioz, igande gauean gertatutako desalojo ilegala epaitegietan salatuko dugula jakinarazten dugu.
Bestalde, herri honek ezinbestekoa du gaztetxea eta argi utzi nahi diogu bai Joseba Escribano zein Ibon Uribe jaunei, udaletxeak hartzen dituen erabakien arduradun politikoak izanda, gure helburua lortu arte lanean jarraituko dugula. Autogestioa, antolakuntza asanblearioa eta okupazioa tresnatzat hartuta aurrera jarraituko dugula, kosta ala kosta, argi eduki dezala nahi dugu.
Horregaitik, beste aukerarik uzten ez digutela ikusita, herriko bi gaztek gazte asanbladaren babesarekin gose greba mugagabea abiaraztea erabaki dute momentu honetatik aurrera.
Amaitzeko, udaletxearekin hitz egiteko eta akordio batera heltzeko prestutasuna adierazten dugu

HERRI BAT GAZTETXE BAT!!!
NI ERE GAZTETXEAREN ALDE!!!

TXORIMALO GAZTETXEAREN 5.URTEURRENA

2011-03-17T13:56:00.001-07:00

.
.
.
Beste urte batez gabiltza txorimalo gaztetxeko urteurrena prestatzen eta nola ez aurten inoiz baino gehiago mundiala izango da, 5.urteurrena delako, bai!!!!
lehenengo egunean hasierako ekitaldia (aurreskua, bertsolariak, traka), luntx, eta txorimaloren bideoak proiektatuko ditugu. Bigarren egunean, agroolinpiadak (kuadrija eta gazte asanbladentzako) prestatu ditugu, ostean luntx eta eguna bukatzeko laburmetrai gaua. Hirugarren egunean berriz, argazki txapelketako argazkiak gaztetxean ikusgai jarriko ditugu arratsalde osoan zehar, ondoren antzerkia eta gauean eguen soziala burutzeko mobi dick bakarlari famatua eukiko dugu.
Laugarren egunean herri eguna izango da eta dena herrian bertan burutuko dugu, arratsaldeko 16:30etatik haurrentzako jolasak egongo dira, ostean TXAN magoaren eskutik emanaldi bat eukiko dugu eta ostean poteoa monologista betekin amaiturik.
Azkenengo egunean eta egun potoloenean, veste urteekin konparatuz berezia izango da eta oso goiz jaiki beharko gara bai guk eta bai zuek, korrika datorrelako oso oso oso goiz!!!! Eta Joan beharra daukagu euskera bultzatzera, baina lasai ostean telletxen 9:30 ak inguru gosaria prestatuko dugula energía berreskuratzeko eta tortilak egiten hasteko tortila txapelketarako.ondoren bazkari herrikoia egongo da. Arratsaldea musikaz eta giro ezin hobeaz gozatu ahal izango dugu eta bukatzerakoan kalejira gaztetxeraino.Eguna bukatzeko 19:00tik aurrera KOP talde kataluniarra , BALTZAK talde lokala eta erromeria.
GOGORATU ONDO PASA BAINA EZ DESFASA GAZTETXEA !
GORA ALGORTAKO GAZTE MUGIMENDUA !
GORA TXORIMALO GAZTETXEA ! TXORIONAK !

BADATOR 5.URTEURRENA

2011-03-07T04:48:00.000-08:00

ARGAZKI TXAPELKETA

2011-02-23T12:54:00.000-08:00

.
.
ANIMATU ETA PARTE HARTU !!

BADATOR 5.URTEURRENA !!!!!

2011-02-21T13:56:00.000-08:00

.
.
.
ARGAZKI TXAPELKETA

Argazkiak gutunazal baten barruan entregatu behar dira eta bertan zuen izen abizenak ta harremanetarako kontakua utzi:

- Lanak argazki papelean aurkeztu behar dira ( Bestela argazki digitalak sastrakagaztetxea@hotmail.com e-mailera bidali )
- Argazkien edukiak "BOST"agaz harremana izan behar du

Lan danak Aldai Patronatuan erakutsiko dira ta bozka herrikoiaz erabakiko da, irabazlea nor dan, apirilak 4tik-16ra.

Sariak: Ikusgarriak , itzelak, akojonanteak, obarianteak....

Argazkiak aurkezteko epea: Otsailaren 18tik Apirilaren 2ra

Argazkiak aurkezteko lekuak: UK, AJURIA, GESTORAS, EZTABAIDA eta TXORIMALO GAZTETXEA

BABESLEAK:
Espectaculos acuaticos gobela
Ludico festivos Don Pin Pon
Discografias Karolo
Getxo phot@

GURE ESKUALDEKO HISTORIOA EZAGUTZEN !!!

2011-02-07T13:12:00.000-08:00

Algortako Gazte Asanblada: "Jarrera biolento, bortitz, probokatzaile, errespetugabeko edo sexistarik ez dugu onartuko Txorimalo gaztetxean"

2011-02-03T12:54:00.000-08:00

Algortako Gazte Asanbladak (AGA), pasa den zapatuan (urtarrilak 29) izandako istilu larriak direla eta, ondoko agiria plazaratzea erabaki du. Argi utzi nahi dugu Txorimalo gaztetxea gazteok gazteontzat gestionatutako espazioa dela, gazte askoren esfortzuari eta auzokideek herriko gazteen beharren aurrean duten jarrerari esker aurrera doana. Hau esanda, gaztetxean eskaintzen diren ekintzak aurrera eramateko beharrezkoa ikusten dugu gutxieneko errespetu maila bat mantentzea, bai aipatutako ekintzan parte hartzen dutenekin, bai auzokideekin. Beraz, ez dira bateragarriak izango gaztetxe barruan jarrera biolento, bortitz, probokatzaile, errespetugabeko edo sexistarik.

Edonork horrelako jarreraren bat mantenduko balu, Algortako Gazte Asanbladak ondoko neurriak hartuko lituzke:

1.- Berehalako kanporaketa gaztetxetik.
2.- Gaztetxean antolatzen diren ekintza eta jaialdietan parte hartzeko debekua.
3.- Algorta eta Portu Zaharreko jaietan AGAk antolatzen dituen txosnetan zerbitzatua izateko ukapena.

Amaitzeko, gazte guztion inplikazioa eskatzen dugu urtarrilaren 29an izandako antzeko istiluak saihesteko; eta gogoratzen dizuegu Txorimalo gaztetxeko ateak zabalik izango dituzuela asteazkenean, 19:30ean.

Algortako Gazte Asanblada (AGA)

Larunbatean, otsailak 5, Koska Irratiko jaialdia Txorimalo Gaztetxean

2011-02-01T13:59:00.000-08:00

.
.
.
KOSKA irratiko 10. urteurrena ospatzen jarraitzen dugu eta oraingo honetan kontzertu bat prestatu dugu datorren otsailaren 5erako, larunbaterako. Irratia eta kontzertua diruz laguntzeko, 4 €-ko sarrerak jarriko ditugu, hala ere, gaur gauean 2 sarrera emango ditugu Finean Nafarrak saioan (21:10). Hitzordua, beraz, larunbatean Getxoko Txorimalo gaztetxean izango da arratsaldeko 20:00etatik aurrera eta ondoko hauek izango dira parte hartuko duten musika taldeak:

- DAR (Getxotik)
- 4 tragos (ezkerraldeatik)
- Kasu! (Iruñeatik)

zatoz gurekin 10 urteak ospatzera!!!

IRULE GAZTETXEA ZENA BERROKUPATU ZUTEN

2011-02-01T13:51:00.000-08:00

.
.
.
Urtarrilaren 27ko greba orokorraren ildoan, Iurñeako Errotxapea auzoan pabilioi industrial bat okupatu egin zuten.

"Hiri berri bat irudikatzeko garaia da, kapitalismotik at dagoen gizatea; eraldaketa ez da erreforma estataletik etorriko, eraikuntza komunala, elkar laguntza, elkartasuna eta askeak diren espazioetatik baizik."

"No pagaremos vuestra krisis ni mantendremos vuestro sistema. Tenemos otros planes!"

Asteburu osoan egitarau eder bat antolatu zuten, kontzertu, bazkari, dokumental, hitzaldi eta antzerkiekin. Igandean, gazteak asanbladan bilduta zeudelarik, polizia gunean sartu zen, mobilak konfiskatu eta desalojatu egin zuten.

LA ERTZAINTZA PRECINTA LOS ESTUDIOS DE IROLA IRRATIA Y EL GAZTE LOKALA DE IRALA

2011-01-29T05:12:00.000-08:00

.
.
.
Esta mañana la ertzaintza ha entrado en el Gazte Lokala de Irala deteniendo a tres personas que estaban en su interior. El local se encuentra precintado a la espera de una orden judicial y el acceso a los locales de Irola Irratia está imposibilitado, al estar situado en el mismo edificio aunque en estancias diferentes.

La emisión de IROLA IRRATIA a través del 107.5 FM y de www.sindominio.net/irola continua, pero existe la posibilidad de que registren las instalaciones de Irola Irratia, aunque esperamos que esto no ocurra y la emisión de esta radio libre con 24 años de emisión continúe.

Por el momento no sabemos mucho más. Os mantendremos informados a lo largo del día.

Adierazpen askatasua - Libertad de expresión

GREBA OROKORRA

2011-01-26T14:34:00.000-08:00

U-27 GREBA OROKORRA !

2011-01-25T13:40:00.000-08:00

.
.
.
TXORIMALO GAZTETXEA ERE GREBAREN ALDE !!

PRESO BAT, LIBURU BAT !

2011-01-24T14:48:00.000-08:00

.
.
.
Eztabaida Gune Antiautoritarioko kideok jaialdia prestatu dugu Txorimalo Gaztetxean.
Horretarako, kontzertu batzuk prestatu ditugu Siroka eta Erasoka taldeekin. Hori baino lehenago, arratsaldeko 18:00etan, AAM-k “EPPk-ren historia eta gure herriko presoen gaur egungo egoera”-ri buruzko hitzaldia eskeiniko du.

KORRIKA 17

2011-01-20T12:35:00.000-08:00

.
.

2011ko apirilaren 7an Trebiñun, hain zuzen ere, hasiko da euskararen aldeko lasterketa erraldoia. 11 egunez gelditu gabe, Euskal Herria zeharkatuko du hamazazpigarrenez, apirilaren 17an Donostiara heldu arte.“Maitatu, ikasi, ari… euskalakari” lelopean, bi mila kilometro baino gehiago egingo ditu Korrika 17k, gau eta egun gelditu gabe.

http://www.youtube.com/watch?v=Si7ha2NgBEU

UDALBILTZA ABSOLBITUA

2011-01-20T05:22:00.000-08:00

.
.

Hogei auzipetuak errugabetu egin ditu Espainiako Auzitegi Nazionalak. Hamarna urteko espetxe zigorra eskatu zuen Fiskaltzak. Gomez Bermudez buru izan duen epaimahaiaren arabera, ez da frogatu Udalbiltza ETAren proiektu bat denik edo harekin zerikusirik duenik. Areago, ETAren helburuekin bat etortzea ez dela delitu azpiomarratu du epaimahaiak. Valcarcel epaileak boto partikularra eman du auzibidearen kostuak herri akusazioaren gain gera daitezen eskatuz.

Espainiako Auzitegi Nazionalak absolbitu egin ditu Udalbiltza auzian auzipetutako hogei lagunak: ez du delitu zantzurik ikusi hautetsien elkarte gisa erakunde horrekin aurrera eramandako jardunean. Fiskalak, aldiz, hamarna urteko espetxe zigorra eskatzen zuen 19 auzipeturentzat, Udalbiltzako izatea "erakunde terroristako" kide izatea zela iritzita. Esan bezala, ordea, Javier Gomez Bermudez epailea buru izan duen epaimahaiak errugabetu egin ditu guztiak.

Epaian absoluziora iristeko arrazoibide nagusia honakoa da: "Ez dago frogatua Udalbiltza ETAren proiektu bat denik, edota talde kriminalaren zuzendaritzapean edo kontrolpean dagoenik. Jarduera deliktiboa justifikatzeko ETAk aldarrikatzen dituen helburuak eta Udalbiltzarenak bat etortzea edo haien artean sintonia egotea ez da delitu". Hau da, ETAren helburu berak izatea ez dela delitu azpimarratu du Gomez Bermudezek, Manuela Fernandez Pradok eta Ramon Saez Valcarcelek osatutako epaimahaiak.

Gainera, Valcarcelek boto partikularra eman du auzibidearen kostuei dagokionean: kostu horiek herri akusazioak ordaindu beharko lituzkeela iritzi dio, hark abiatu zuelako prozedura guztia.

7 KATU GAZTETXEAREN URTEURRENA !!!

2011-01-15T06:06:00.000-08:00

.
.
.

OSTIRALA 28

17:00 Gazte Gymkhana. Gazteen arteko jolas dinamikoak
19:00 Street DJ kalejira poteo jaima WIKI-WIKI selecta. Alde zaharretik zehar Dj mugikorra
21:00: KONTZERTUAK:

•Soñadores natos www.myspace.com/natosounds
•Revolutionary brothers www.myspace.com/revolutionarybrothers

LARUNBATA 29

11:30 Ume jolasak, plaza berrian
13:00 Solokoetxeko eskaileren I. igoera eta jeitsiera (behean informazio gehiago )
15:00 Bazkari herrikoia
18:00 Euskotxarangabomboklap, fest!. Alde zaharra zarataz beteko duen kalejira
21:00 KONTZERTUAK:
•Salbuespunk (Barakaldo, "kaxianotik eskorbutora" folk-rocka eta fusioa): www.myspace.com/salbuespunk
•..,¨*^"'?¿¡¡.,_v

IGANDEA 30

18:00 BERTSO SAIOA. Bertsolariak:

•Miren Amuriza
•Oihana Bartra
•Jone Uria
•Julio Soto

ARDE LO QUE FUE EL GAZTETXE DE BARAKALDO OLETA

2011-01-11T12:50:00.000-08:00

Llevabamos un tiempo avisando a lxs vecinos del peligro que podia ocasionar el abandono de esa casa despues de ser desalojados,el propietario tiro muros tejado escaleras a su antojo sin ningun tipo de seguridad ni para los "trabajadores" ni para los viandantes.Fugas de agua gente entrando a llevarse chatarra niños jugando en el patio con los cristales por el suelo y no se han dignado al menos a tapiarlo para que nadie sufra peligro.No es la primera vez que acuden los bomberos ya que no hace muchos dias hubo un escape de gas al cortar tuberia de cobre la gente que se metia alli a coger cosas pero ya esto no se donde va a llegar.Esta mañana han tenido que cortar la calle ya que estaba en llamas el edificio con lo que ello conlleva,una vez mas se puede ver que prefieren tener un edificio abandonado a que gente ofrezca otras alternativas de ocio.

ERMITATZE GZTETXEA !!!

2011-01-10T06:27:00.000-08:00

.
.
.

Abenduaren 18an beste etxe batean sartu ginen Plentzia ta Gorlizko Gazte Asanbladako lagunak, baina lau ordu baino ez genuen iraun bertan. Sartu eta gutxira agertu ziren Plentziako Artekaleko eraikinean udaltzainak, jabearekin harremanetan jarriko zirela esanez. Handik bi ordutara agertu zen aipatu laguna. Otsailean etxea bota eta sei apartamentu eraikitzen hasiko zela esan zigun jabeak. Eraikinaren egoera kaskarra zenez alde egitea erabaki genuen.

Orain dela lau egun Andra Mari kaleko 1.zenbakiko etxean sartu ginen Plentzia ta Gorlizko Gazte Asanbladako (PGGA) kideok, bertan gaztetxea egiteko asmoz. Izena ere jarri diogu jada eskualdeko gune autogestionatu berriari: Ermitatze gaztetxea. Izan ere, baseliza atzealdean dago, Piruli plazatxotik eta Jai Alai frontoitik gertu. Lehenengo egunean udaltzainen bisita izan zuten. Hiru gazte identifikatu zituzten arren, ez genuen arazorik eduki. Ostiral gauean ordea, ERTZAINTZAK agertu ziren gaztetxetik etxeko jabeen salaketa jaso ostean. 6 gazte identifikatu zituzten eta hurrengo asteartean getxoko epaitegian epaituko dituzte. Hori gutxi balitz, Ertzaintzaren partez tratu iraingarria jasan eta hurrengoa entzun behar izan zuten besteak beste; "agachate y mira mi bragueta", "tu compañero es tonto del culo".... Hala eta guztiz, GAZTETXEAK ZUTIK DIRAU!!!

Oztopoak oztopo, egun hauetan garbitze eta atontze lanetan gabiltza. Albait lasterren hasi nahi dugu tailerrak eta hitzaldiak egiten. Bi aste barru etxeko hiru solairuetatik behekoa prest egotea espero dugu PGGAkoek, desalojo mehatxurik egon ezean. Hori dela eta, eskualdeko neska-mutilei Ermitatze gaztetxera hurbiltzeko gonbitea luzatu diegu, auzolanetan laguntzeko asmoz ,epaiketa salatzeko eta desalojoa ekiditzeko.

ETORRI GAZTETXERA!!!

URTARRILAK 8 DENOK BILBORA !!!

2011-01-02T05:13:00.000-08:00

.
.
.
.
Euskal jendarteari,nahikoa delako,Egin dezagun urratsa

Euskal Herriko biztanleak eta Euskal Herriaren lagunak gara. Mendeetan auzolana, hizkuntza, duintasuna, konpromisoa, elkartasuna, lana eta sufrimenduaren bitartez landu dugun harria. Itxaropenaren aroan sartzea desiratzen duen herria da gurea. Bihotzean mina dugu ordea, gure senide, lagun eta herrikide diren euskal preso politikoek pairatzen duten eskubide urraketaren aurrean.

Euskal jendarteak eta nazioarteko hainbat erakundek hamarnaka aldiz deitoratu dute krudelkeria oinarri duen eta so frikarioa besterik ez dakarren espetxe politika hau. Gure se nide, lagun eta herrikide diren euskal presoen eskubideekin nahi erara jolasten dute.Hala juzkatzen dugu frantziar zein espainiar Estatuek aplikatzen duten sakabanaketa politika; gaixotasun larriak dituzten presoak gatibu mantentzea; bizitza osoko espetxe zigorra; 3/4ak beteta dituzten presoak kartzelean mantentzea; isolamendua; bakartzea; aurrez aurreko bisitetan jasan beharreko tratu umiliagarria, elkartasunaren kriminalizazioa eta abar. Zalantzarik gabe, beren beregi eraikitako kartzela sistema ankerrena. Gizabanakoa suntsitu eta euskal jendartea bete-betean kolpatzeko ahalegina. Zitalkeria andana hori ote herri bat justiziazko bakera eraman dezakeen bidea?Euskal Herriaren gehiengo zabalak ezetz dio.

Horregatik, nahikoa dela esaten dugu. Euskal Herria aro berri baten atarian dagoela sinisten dugu eta lehen premia larrizkoa izan dena, orain are gehiago; gure senideen zein gure egoeran berehalako aldaketak eragitea ezinbestekoa iruditzen zaigu: Sakabanaketarekin amaitzea, gaixotasun larriak dituztenen kaleratzea, bizi guztiko kartzela zigorra bertan behera geratzea eta espetxe barruan ematen diren hainbat eskubide urrakerarekin bukatzea.Orain arte egin dugun gisara, nekatu gabe eta hala egingo den arte, euskal preso politikoak eta euren senideen bizitzak inpunitate osoz egunero erruleta zital eta krudelean ezartzen dituen espetxe politika horrekin amaitu behar dela aldarrikatzen dugu. Edozein demokraziaren oinarri oinarrizko beteharrak liratekenak baino ez ditugu eskatzen. Justiziazko eta bakezko aro beharko lukeenari arnasa emango dioten neurriak. Alderantzizkoak, egoera honek alegia, balizko aro berri bati arnasa ukatzen baitio.

Hortaz, berriz ere, eta azken aldia izan beharko litzatekeenaren ustearekin, zuregana jotzen dugu. Espetxe politika honen sufrimendu gain-zama buka dadin laguntza eskatzen dizugu. Guztion esku dagoelako egoera hau aldatzea. Herritar orori dagokigun betebeharra dela uste dugulako. Euskal preso politikoen eskubideen defentsa, herritar ororen eskubideen defentsa ere badelako. Espetxe politika honen amaierak, aro berri baten hasera ekar dezan.Demokrazia nahi dugulako. Nahikoa delako. Herri honek sufrimenduzko eta bidegabekeriazko aro hau atzean utzi eta bere bidean aurrera egin nahi duelako, datorren urtarrilaren 8an, “Euskal PresoakEuskal Herrira eskubide guztiekin, EGIN DEZAGUN URRATSA”lelopean mani festazio nazionala egingo dugu Bilbon.

KONTROLATZEN GAITUZTE

2011-01-02T05:03:00.000-08:00

.
.
.
.
Getxoko Udalak azken aldian hainbat bazterretan kamerak jarri izana salatzeko asmoz, atzo, igandearekin, herri-erdigunea hartu zuen Algortako Gazte Asanbladak (AGA). Eguerdiko hamabietatik aurrera, kamera erraldoiak jantzita, Telletxe, Amezti, Basagoiti, Zabala eta beste hainbat kaleetan jarri eta ingurutik igarotzen zen jendeari bideo-zaintza horren berri ematen zuten ehunaka eskuorri banatu zieten neska-mutilek. Gazteen ustez ez dago hainbeste kamera jartzeko beharrik, “hainbat lekutan herritarron intimitatea bortxatu” egiten baitute. Neska-mutilek adierazi dutenez, azken urteotan, tokiko Udalak egindako obra berrietan hainbat kamera jarri dituzte, “gehienetan zaintza-eremua dela adierazi gabe”. Horren adibide argia dira Bihotz Alai plaza eta Salsidu kaleko eskailera mekanikoak.

“Baliteke kamera berri horien ezarpena delinkuentzia tasa jaisteko jarri izana eta hori izango da seguruenik Getxoko Udalak horiek jarri izana defendatzeko argudiorik handiena”, azaldu zuten. Baina, Algortako Gazte Asanbladak zehaztu duenez, “ez dugu inongo ikerketarik topatu zeinean kamerak jartzeak delinkuentziaren ahultzea ekarri duela frogatzen denik”. Haientzat bideo-zaintza sistema berri horiek “gazteen kontrol sozialerako tresna” bat besterik ez dira.

ELKARTASUNA !!!

2010-12-23T13:00:00.000-08:00

EUSKAL HERRIKO SELEKZIOA ORAIN !!!

2010-12-23T05:36:00.001-08:00

.
.
.
.
ABENDUAK 29 DENOK BILBORA

11:30 Pirritx eta Porrotx Pailazoak.
13:00 Herri kirolen erakustaldia.
15:00 Euskal Dantzaldiak.
16:30 Amaiur musika taldea.
18:30 Manifestazio Nazionala (Areatzatik-Euskaldunara).
20:45 Partidua ikusteko pantaila erraldoia.
22:45 Amaiur musika taldea.
ESAIT: http://www.esait.org/

LORTU BEHAR DUGU , LORTUKO DUGU !

ABENDUAK 24...

2010-12-21T05:35:00.000-08:00

http://www.hamaikabilbo.tv/index.php?nid=2728&id_mikrosaio
.
.
.
Hamaika telebistan gabon gaueko mezua emateko arduradun Pirritx, Porrotx eta Marimototx izango dira. Saioa 21:00etan hasiko da eta Olentzero ere bertan izango da hirukotearekin batera.

Spot bat egin dute hura iragartzeko, eta Espainiako Erregearen gabon mezuaren alternatiba moduan erakusten dute bertan.

ETB BOIKOT !!!

LA POLICIA NACIONAL ROBA ENTRADAS DEL HATORTXUROCK

2010-12-20T13:29:00.000-08:00

.
.
.
Desde la organización del festival Hatortxu Rock queremos dar cuenta de que la policía nacional española se llevó la semana pasada un determinado número de entradas y bonos del bar Toki Eder de Donibane (Iruñea), al realizar uno de sus registros. Dichas entradas y bonos llevan una numeración por lo cual INFORMAMOS DE QUE ESTAS QUEDAN ANULADAS. Los números anulados son los siguientes:

- Viernes:0151-0175

- Sábado: 4051-4100

- Bono:0151-0175

Aquellas personas que tengan entradas o bonos con las numeraciones señaladas deben saber que no podrán, bajo ningún concepto, acceder al festival Hatortxurock. Así mismo informamos de que las entradas y los bonos para el festival se pueden adquirir, única y exclusivamente, a través de Internet o en los puntos oficiales de venta, cuya lista figura en nuestra página web.

Hacemos también un llamamiento para que si alguien localiza alguna de las entradas o bonos anulados se ponga en contacto con nosotros a través de nuestro correo electrónico hatortxurock@hotmail.com

Erregearen diskurtsoari ez !! ETB Boikot !!

2010-12-18T05:51:00.000-08:00

.
.
.

Empieza la cuenta atras... Nó al mensaje navideño del rey en ETB

ETB emitirá el mensaje del heredero politico del franquismo fascista y genocida, por segunda vez.
En contra de esto, tenemos que invitar a la mayor cantidad de gente posible para boicotear EITB (ETB1, ETB2, ETB3, Radio Euskadi, Euskadi Irratia, Radio Vitoria, Gaztea y las páginas web del grupo) desde las 7:00 de la mañana del día 24 de diciembre hasta las 12:00 del mediodía del día 25, en solidaridad con lxs trabajadorxs, en protesta por la gestión del medio, y muy particularmente por la emisión del discurso del heredero politico del franquismo fascista el día 24 en ETB2. Se enfatiza la importancia del boicot, ya que es un día de una gran facturación en publicidad, y si caen las audiencias (más de lo que ya están cayendo en el ultimo año y medio) pueden perder muchisimo dinero.

Eta hau hasiera besterik ez da !!
Guk argi daukagu: EiTBri boikot egingo diogu!
Gure Facebook eta blogean, boikoterako prestatutako hainbat argazki-muntaia aurki ditzakezue. Deskargatu eta zabaldu!

NAZIOA, OFIZIALTASUNA. LORTU BEHAR DUGU, LORTUKO DUGU !!

2010-12-15T12:50:00.000-08:00

.
.
Ofizialtasuna aldarrikatzeko manifestazioa Bilbon, hilaren 29an
Esaitek manifestazio nazionala antolatu du hilaren 29rako Bilbon, euskal selekzioaren eta Venezuelaren arteko futbol partidaren egunean.

Nazioa, ofizialtasuna. Lortu behar dugu, lortuko dugu" leloa izango du manifestazioak eta 18.30ean abiatuko da Bilboko Arenaletik.

Euskal selekzioak eta Venezuelak jokatuko duten partidaren eguna aldarrikapen eguna bihurtu nahi du Esaitek eta egun osorako egitaraua prestatu du, pailazoen emanaldi, triki-poteo eta musika emanaldiekin, besteak beste. Partida ikusteko pantaila erraldoia ere jarri nahi dute, eta horretarako Bilboko Udalarekin harremanetan jarri dira.

Politika, sindikalgintza eta gizarte alorreko eragile ugarik eman diote babesa manifestazioari: LAB, EHNE, STEE-EILAS, Bilgune Feminista, Bai Euskal Herriari, Ikasle abertzaleak, Askapena, EA, ezker abertzalea, Aralar, Alternatiba eta ABk, beste batzuen artean.

Gaur arratsaldean egin duten agerraldian nabarmendu dutenez, abenduaren 29a ofizialtasuna lortzeko bidean ziklo baten amaiera eta beste baten hasiera izan dadin nahi dute

OFIZIALTASUNA ORAIN !

ASTE ANTIKONTSUMISTA

2010-12-13T13:52:00.000-08:00

.
.
ABENDUAK 17 , Arratsaldeko 18:00tatik aurrera hitzaldiaaldai patronatoan : kontsumo sostengarria lunch antikontsumista batekin
ABENDUAK 18, Goizeko 11tatik arratsaldeko 14:00 Truke azoka Teiagorri enparantzan

KONTSUMOAN ERE IZAN BURUJABE !

Eibarko Tallarra gaztetxea bota dute

2010-12-08T13:42:00.000-08:00

Eibarko Tallarra Gaztetxea botatzen dihardute

Eibarko Tallarra Gaztetxea botatzen dihardute, Eibarko Udalak hala eskatuta.
Atzo hasi ziren hau erausteko lanak, ateak apurtu eta leihoak botatzen. Gaur aldiz, Udalak kontratatutako enpresa batek eraikina botako du asanbleako kideei inongo abisurik eman gabe.

Tallarra bezelako gunek askeak aldarrikatzeko eta gaur eraikina botatzen dihardutela salatzeko manifestazioa deitu dute Gaztetxeko kideek. Arratsaldeko 19:00etan izango da, Untzaga plazatik hasita.

Tallarra orain 8 urte eta 8 hilabete okupatu zen eta informazio gehiago tallarra.squat.net helbidean daukazue.

Hona hemen gure azkenengo komunikatua:

TALLARRA gaztetxia bota dabe

Bai, 8 urte, 8 hilabete eta 24 egunez bertan egon garanak gara. Denbora guzti honetan gutariko askok, errespetua atean izan duen eta barruan askatasuna somatu izan den toki honetan eskolan baino gehixau iksasi dogula esan geinke. Zein esperientzi aberasgarrixa izan dan toki huts bati bizitza emotia, gauzak instituzioetatik kanpo gure kabuz eitxia!
Kultura altxor bat moduan ulertzen dogu eta altxor guztiak danon esku egotera bultzatzen zailatu gara. Ez dogu goi eta behe mailako kultura eta artistarik nahi izan, kultura bera nahi izan dogu. Horregatik toki honek diru goserik izan ez duen moduan ez dogu iñor diruz astu nahi izan, baiña bai ordea arreta on bat eta lapiko bero bat eskeiñi. Ez dira gutxi izan hemengo epeltasunean eta barazki artean izandako eztabaidak . Ondorio askotara eraman gaituzte eztabaida hauek eta aldi berean beste ideia asko mugi arazi dituzte gure barruetan, zenbat ikasten dan halakuetan! Baiña teoria soliekin ez da iñora juaten, eta honi praktika gehituz borroka gune izatera bultzatu dugu espazio hau, gizarte patriarkal kapitalista honetan bizirauteko borroka beharrezkoa ikusten dogulako, borroka hau norberarengandik hasten delarik gaur egun hain bultzatua den indibidualismoaren aurrean kolektiboki lan egiteari eta kolektiboaren barruan indibiduo bakoitzari eman diogu garrantzia.
Momentu gogorrak ere izan ditugu eta azkenaldian asko izan dira hauek ( udalaren desalojo mehatxua, argi mozketak eta honek ekarri dituen txapeoak...). Baiña guzti honetatik indartuta irten gara, aurre egin diogulako gureak diren tresnak erabiliz; legea haiena bada kalea gurea eta aginduak haienak badira asanbladak gureak (guztion hitza entzun eta erabiltzea). Momentuan momentuko bidea egin dugu oztopoak gaindituz, helburuak bete ahala hurrengoak finkatuz.
Guzti honengatik TALLARRA leku bat baiño gehiago da guretzat eta argi euki lau pareta hauek bota dituzuela baiña bihotzera heltzen diran gauzak ez dirala iñoiz hiltzen! Urte guzti hauetan hazi asko bota ditugula eta goazen tokira joanda gutariko bakoitzak hauek eraingo ditugula! Laisterarte....
Maitasunez eta amorruz...
Tallarra gaztetxia

OKUPAZIO EGUNA

2010-12-06T14:31:00.000-08:00

.
.
1.OKUPAZIO EGUNA abenduak 11an.
10:30 aurrera graffiti erakusketa Txorimalo Gaztetxeko fatxadan. Geroago 12:30tan inguru 5.urteurreneko argazki erraldoia burutuko da, denok gonbidatuta zaudete argazkian parte hartzeko urteurreneko kartela egiteko. Ondoren 15:00tan bazkaria egingo da Txorimalon eta bukatzeko 20:00tan Kontzertuak Kuenta Atras, Disorders eta DJ-te kiero komo amigo taldeekin 4€ren truke. ANIMATU ETA GOZATU GAZTETXEA!! GORA OKUPAZIO MUGIMENDUA !!

GAZTERIA AURRERA

2010-12-04T06:35:00.000-08:00

.
.
Beste hainbat gazte eragilerekin batera, gazteok jasaten dugun errepresioa salatzeaz gain, gazteok gure proiektu eta ideiak askatasunez garatzeko bermea izan behar dugula errepikatu dugu beste behin.
Aldarrikapen hori kalera atera nahi dugu berriro ere, bildu garen alor, eremu eta sentsibilitate ezberdineko gazteok manifestazioa deitu dugu Abenduaren 6rako “Eskubide Zibil eta Politikoen Defentsan, GAZTERIA AURRERA!” lemapean.

Independentziaren aldeko lip duba egingo dute 6an Durangon

2010-12-03T05:12:00.000-08:00

Independentziaren aldeko lip duba egingo dute astelehenean Durangoko Landako gunearen inguruan. Nahi duenak parte har dezake, ahalik eta jende gehienak parte hartzea nahi baitute bultzatzaileek.

Euskal Herrian independentziaren alde dagoen olatua hartu du sareak eta lipdub.euskalherrian.info blogan gorpuztu den ekimenak gauzatu egingo da astelehenean Durangon, Landako gunearen inguruan.

Independentziaren aldeko lip duban edonork hartu dezake parte eta oraindik garaiz dago, adierazi du Patxi Gaztelumendik.

Sarean sortu eta eratu egiten diren bideo hauek ez dira berriak Euskal Herrian. Hor dago, esaterako, Zarautzen txosnen inguruan egindakoa. Baina Katalunian independentziaren alde egindakoak sona handia lortu zuen sarean eta Euskal Herrian antzeko egiteko grina eragin du.

Astelehenerako egindako hitzordua da lan horren ondorioa. 11k aldera postuak banatuko dira bertaratzen direnen artean. 400 metroko ibildidean grabatuko da "Sarri sarri"ren kantupean.

ASTE ANTIKONTSUMISTA

2010-12-02T14:16:00.000-08:00

OLETA DESALOJATZEN ARI DIRA !!

2010-12-01T13:23:00.000-08:00

.
.
Barakaldoko Oleta Gaztetxea desalojatzeari ekin diote Udaltzainek. 7:30etan hasi dira gaztetxearen zenbait ate hausten eta, auzokide batzuen esanetan, bortizki sartu dira gaztetxean, bai eraikin handian bai ondoan dauden bi etxetxoetan. Hainbat pertsona gerturatu dira.

ADI MOBILIZAZIOETARA!

AITOR ZABALETA , HAMABI URTE

2010-12-01T13:05:00.000-08:00

ITZUBALTZETA GAZTETXEAREN ETORKIZUNA

2010-12-01T12:53:00.000-08:00

.
.
Eusko Jaurlaritzaren menpeko Uraren Euskal Agentziak (URA) Gobela ibaian ekin dion proiekturako lurrak desjabetzeko, bi milioi euroko kreditua bideratzea onartu zuen Getxoko Udalbatzak, joan den ostiraleko osoko bilkura nahaspilatsuan. Manu Basanta Alternatiba alderdiko zinegotzi gazteak baino ez zuen aurka bozkatu, batez ere Itzubaltzeta gaztetxea kudeatzen duten neska-mutilei elkartasuna adierazteko. Izan ere, lanak egin nahi dituzten guneetako batean, Errekaganen, dago kokatuta Itzubaltzeta / Romoko zentro soziala. “Ez da aurreratu behar. Lehenengoz URA agentziak proiektuarekin jarraitzeko beharrekoak diren lur-sailak zeintzuk diren zehaztu beharko du", adierazi zuen Joseba Arregi Hirigintza zinegotziak. Hala ere, udal arduradunak argi utzi zuen "URAren eskuetan" utziko dituztela "horretarako beharrezkoak diren lur-sail guztiak, bai Errekaganen, bai Zubilletan, bai behar den edonon". Aipatu hitzak berretsi egin zituen Imanol Landa alkateak, galde-eske txandan, udaletxeraino gerturatutako Itzubaltzetako gazteei erantzunda. Agintari jelkidearen arabera, "auzotarren eta gure eskakizuna da Jaurlaritzak proiektuarekin aurrera jarraitzea". Landak berak horrela eskatuta, bihar, osteguna, batzartuko da Uholdetako Batzorde Berezia. Bileran, lanen aurreikuspenak eta horien epeak, desjabetze prozesua barne, azalduko ditu URAk, udal iturriek adierazi dutenez.

Eusko Jaurlaritzak duela aste batzuk iragarri zuen bederatzi milioi euroko aurrekontua bideratuko zuela 2011 urterako, Errekagane kaleko goi aldean, Zubilletan eta Salsidu eta Jolaseta artean "ordezkatze zein oztopoak kentzeko lan berriak" egiteko. Horri jarraituz, Getxoko Udalak “Uraren Euskal Agentziaren eskuetan" utziko ditu "horretarako beharrezkoak diren lur-sail guztiak, bai Errekaganen, bai Zubilletan, bai behar den edonon". "Gure auzokideen segurtasuna eta lasaitasuna lan horien menpe dago. Horregatik da hain beharrezkoa horietarako baliabideak ipintzea eta Getxon jasaten dugun uholde arriskuari behin betiko aurre egitea”, adierazi zuen Joseba Arregi Hirigintza zinegotziak, proposamena udal batzarrean defendatzeko orduan.

PP pozik

PP ere ez zen atzean geratu. Eduardo Andrade zinegotzia alkatea zoriondu zuen, “azkenik gazteek okupatuta dituzten Errekaganeko pabilioiak desjabetuko direlako; talde honek 2005az geroztik eskatzen ari dena, alegia”. Hala ere, Arregik erantzun zionez, “ez da aurreratu behar". "Lehenengoz URAk proiektuarekin jarraitzeko beharrekoak diren lur-sailak zeintzuk diren zehaztu beharko du. Gure zeregina da Gobela ibaiko lanekin jarraitzeko dauden oztopoak kentzea”, zehaztu zuenez. PSE-EEk bere aldetik, "Gobelaren hobekuntza hidraulikoa garrantzitsua" dela nabarmendu nahi izan zuen. Luis Almansaren arabera, "auzokideen eta instituzioen arteko adostasunaren emaitza" da hori. Alternatibako Manu Basantak, ordea, aurka bozkatu zuen, “ez ibaia bideratzeko proiektuaren aurka, baizik eta modu sinbolikoan gaztetxea gestionatzen duten gazteei babesa agertzeko”.

Euskal Herriko futbolarien prentsa oharra

2010-11-30T12:36:00.000-08:00

Prentsa ohar honen bidez, lehen-lehenik, Euskadiko Futbol Federazioaren eta jokalarion arteko bileretan, zoritxarrez aurten ere akordiorik ez dugula lortu adierazi nahi dugu.
Euskadiko Futbol Federazioak ez du Euskal Herriko selekzioaren ofizialtasunaren bidean urratsak ematen saiatzeko borondaterik. Dituen mugak aitzakiatzat harturik, aurrerapausorik ez emateko erabakia hartua du. Eta jarrera horrek, aurten ere gabonetako partidarik ez jokatzea ekar dezakeela jakin arren, ez dago mugitzeko prest, ez dago jokalariok eskatzen diogun ekimenik hartzeko prest.
Partidak, etekin ekonomikoa ateratzeko helburu soilarekin antolatu nahi ditu, hori da selekzioaren inguruan duten benetako kezka eta arrazoi nagusia. Urteroko aurrekontua borobiltzeko diru-iturri hori beharrezko du EFFk (selekzioaren partidetan ateratzen den dirua Araba, Bizkaia eta Gipuzkoako futbol taldeetara soilik bideratzen da. Nafarroara eta Iparraldeko klubetara ez da xoxik bidaltzen), eta horrexek bultzatzen du partida antolatzeko ahalegina egitera. Ez gure selekzioaren ofizialtasun ametsak. Jokalariok, aldiz, amets horrek elkartzen gaitu. Zale asko ere bai. Horretaz jakitun, federazioa prest dago itxurakeriak egiteko, horrek harmailak bete eta aurrekontuak borobiltzeko balio diolako, baina gehiagorik ez du nahi. Hitz ederrak bai, baina borondaterik ez zaio ageri.
Hala eta guztiz ere, ez gaude konfrontaziorako. Guk, euskal futbolariok, Euskal Herriko selekzio ofiziala lortzeko bidean ahalegin pixka bat eskatzen dugu, besterik ez; munduko beste edozein futbol jokalarik bezala zein selekziotan jokatu erabakitzeko eskubidea baino ez. Inongo koloretara behartua sentitu gabe, bakoitzak bere izatearekin bat joka dezan nahi dugu. Badakigu ez dela esku-eskura dugun ametsa, baina eskura, beti, norbere ahalegina dago. Eta, EFFri horixe eskatzen diogu, ahalegin horri zor, helburu horren bila bere eskueran dagoena egitea. Baina azken urteotan ohartu garenez EFFren helburua ez da gure bera, ez da zazpi euskal lurraldeetako jokalariok bilduko gintuzkeen selekzioaren ofizialtasuna lortzea, ez eta amets bide horretan urrastxo bat ematen saiatzea, ez du horretan sinesten eta ez dio norabide horretan gurdiari tirako. Are gehiago, konturatu gara, amets horretan, gure bide lagun baino, ia-ia oztopo dela, eta lehen ere badugu nahiko oztopo berriak sortzen hasi gabe.
Egoera honen aurrean, jokalariok, lehen-lehenik gure kezka, mina zabaldu nahi genuen, eta min horren muina zein den azaldu. Baina horren gainetik, gure jarrera aldaketaren berri ematera etorri gara. EFFren jokabidea etsigarria izanagatik ere aurrera egitea erabaki dugu. Ez dugu blokeo egoera hau betikotu nahi, ez gara inoiz asmo horretara erori, eta aurten, nahiz eta akordiorik lortu ez, futbolariok zelaira ateratzeko prest gaude. Euskal Herriko selekzioaren alde izerdia isurtzeak antolatzailearen interes tristeaz gaindiko zentzuak ere baditu, eta hori dela eta, jokatzeko prest gaude. Garbi geratu zaigu zein den EFFren jokabidea, hala ere zelaira aterako gara. Partida hau ziklo baten amaiera eta aro berri baten hasera izatea nahi dugulako. Aurten, jokatzeko prest gaude, baina aurrera begira beste bide batzuk landu beharko direla uste dugu. Lan asko dago egiteko, bide luzea ibiltzeko, eta garbi adierazi nahi dugu, zintzotasunez, jokalariok ez garela gai ikusten bide osoa bakarrik egiteko. Zentzu honetan, euskal jendarteari eta batez ere arlo honetan beren ekarpena egin dezaketenei, umiltasun osoz, laguntza eskatu nahi diegu, guztion artean ofizialtasunaren bidea egin dezagun.
Gure iritzia eta jarrera zintzoki eta argitasunez eman dugula ezagutzera uste dugu. Jokatzeko erabakia hartu dugu, asmo txarreko interpretazioak uxatzeko eta euskal jendarteak garbi izan dezan euskal futbolariok gure herriaren elastikoa janzteko eta gure koloreen alde futbol zelaian zein behar den leku guztietan defendatzeko prest gaudela. Guk, beste behin, gure herriaren elastikoarekin jokatzeko hautua egiten dugula ikustarazi nahi dugu. Eta, euskal futbolzaleen eta jendartearen gehiengoaren borondatearekin bat eginez, gabonetako futbol partida, dirua biltzeko ala antzezkizun bat egiteko ekitaldia baino, gure eskubidearen aldarrikapen eguna izatea nahi genuke.
Euskal jendarteari dei egiten diogu partida jokatuko den eguna, gure selekzioaren aldeko aldarrikapen eguna bihurtzeko. Inposiziorik gabe, zein kolore defendatu ala animatu erabakitzeko eskubidea, oinarrizko eskubidea delako. Gainerako herriek bezala, guk ere munduari gure koloreak gehitu nahi dizkiogulako. Nazio bat garelako, sentitzen duguna izateko eta egiteko eskubidea oinarrizko eskubidea delako. Gure selekzioa nahi eta behar dugulako. Denon artean lortuko dugu!

2010-11-24
Euskal Herriko Futbolariak